ମା'ମଙ୍ଗଳା ଦର୍ଶନ
ମା'ମଙ୍ଗଳା ଦର୍ଶନ
ନଥିଲା ଯୋଜନା ତୋ' ଦର୍ଶନ ପାଇଁ
ଲଗେଇଲୁ ମାଆ ଡୋରି
କାକଟପୁରକୁ ଡାକି ନେଲୁ ମାଆ
ଖୁସିରେ ଭରିଲୁ ଝୁଲି ।
କି ଆନନ୍ଦମୟ କି ସୁନ୍ଦର ଆହା
ତୋ' ମୁଖ ମଣ୍ଡଳ ଆଭା
ମାଟିର ମହିମା ହୁଏ ଦ୍ୱିଗୁଣିତ
ଯେଣୁ ତୁ ହେଇଛୁ ଉଭା ।
ମାଆଲୋ ମଙ୍ଗଳା ମଙ୍ଗଳକାରିଣୀ
ମନାସୁ ଭକ୍ତଙ୍କ ସୁଖ
ତୋ' ଆଶୀଷ ମାଆ ଟିକିଏ ଝରିଲେ
ପରାସ୍ତ ଜୀବନ ଦୁଃଖ ।
ତୁ ମା' ଶକ୍ତିମୟୀ ଶାନ୍ତି ପ୍ରଦାୟିନୀ
ନମଇ ଚରଣେ ତୋର
ତୋ' ପଣତ କାନି ଘୋଡେଇ ରଖିଥା
ଏ ବିଶ୍ୱ ସଂସାରେ ମୋର ।