ତୁମ ପାଇଁ

ତୁମ ପାଇଁ ବ୍ୟବହାର ସ୍ନେହ ପ୍ରେମ ଶ୍ରଦ୍ଧା

ଆଦର ଆଦର୍ଶ ପ୍ରୀତି ଓ ଭଲ ପାଇବା ।

ତୁମ ପାଇଁ କି ଭାବନା ଆସଇ ମନରେ 

ଉତ୍ତମ ବିଚାର ଚିନ୍ତା ଚେତନା ସଞ୍ଚରେ ।

ଯେତେ ଯାହା ସବୁ ଉଦ୍ଭାବନ ଆବିଷ୍କାର

ହୋଇ ଅଛି ତୁମ ପାଇଁ ତୁମ ସ୍ନେହ ଧାର

ପ୍ରବାହିତ କରି ଚିର ଅପୂର୍ବ ତୃପତି

ପ୍ରଶମିତ ହୁଏ ଜ।ଳା ଯନ୍ତ୍ରଣା ଯେ ନିତି ।

ତୁମ ପାଇଁ ପରିବେଶ ଶାନ୍ତ ସ୍ନିଗ୍ଧ ଚାରୁ

ଚମତ୍କାର ଅଭିନୟ ତୁମରି ହେତୁରୁ

ପ୍ରେମରେ ପାଗଳ କରି ଥାଏ ତୁମ ସ୍ମୃତି

ଅଜଣା କାହାଣୀ କେତେ ଭାବୁ ଥାଏ ନିତି ।

ତୁମ ପାଇଁ ଉପଯୁକ୍ତ ସ୍ୱାଭିମାନ ଯୋଗୁଁ

କାର୍ଯ୍ୟ ଧାରା ଜାରି ରଖି ସିଦ୍ଧି ପ୍ରାପ୍ତ କରୁଁ ।

ଧନ୍ୟ ତୁମେ ଆଗୋ ପ୍ରିୟା ତୁମ ପାଇଁ ପ୍ରେମ

ଅନୁରାଗ ସୃଷ୍ଟି କରେ ନିତି ଦିନ ମନ ।

ତୁମ ପାଇଁ ଆପଣାର ପରି ଲାଗେ ସବୁ

ସମସ୍ୟା ର ସମାଧାନ ହୁଏ ଭାବୁ ଭାବୁ ।

ତୁମ କଥା ତୁମ ପ୍ରେମ ପ୍ରୀତି ଶ୍ରଦ୍ଧା ସ୍ରୋତ 

କର ଯେବେ ଅୟି ପ୍ରିୟେ ତୁମେ ପ୍ରବାହିତ ।