ଲୁହର ଘର

କାହିଁକି କେଜାଣି ଝରୁଥିଲା ଲୁହ

ଆଖିର ପାଚେରି ଡେଇଁ

ଅନୁଭବ ସିନା କରୁଥିଲି କିଛି

ପାରୁ ନଥିଲି ମୁଁ କହି I

ପଚାରି ଦେଲି ମୁଁ ଲୁହକୁ ଭରଷି

ଠିକଣା ଟି ତୋର କହ

କେଉଁଠି ରହୁଛୁ କେଉଁଠୁ ଆସୁଛୁ

ଝରିଯାଉ ହୋଇ ଲୁହ I

ଅତି ସରାଗରେ ଲୁହ ବିନ୍ଦୁ ଟିଏ

କହିଲା କାନରେ ମୋର

ତୋ ଭିତରେ ଯେଉଁ ହୃଦୟଟି ଅଛି

ସେଇଠାରେ ମୋର ଘର I

ହୃଦୟଟି ତୋର ଆଘାତ ପାଇଲେ

ରହି ପାରେନି ମୁଁ ସ୍ଥିର

ଆଖି ବାଟଦେଇ ଚାଲି ମୁଁ ଆସଇ

ବହିଯାଏ ଝର ଝର I

ତୋ ଆଖି ଲୁହରେ ଶରଧା ଯାହାର

ସେ ନିତି ଆଘାତ ଦିଏ

ହୃଦୟର ବ୍ୟଥା ଲୁହ ହୋଇ ତୋର

ଆଖି ବାଟେ ବୋହିଯାଏ I