ପ୍ରେମ ର ପରିଭାଷା

ପ୍ରେମ ଅଟେ ଜପ ପ୍ରେମ ପୁଣି ତପ

ପ୍ରେମ ନୁହେଁ କେବେ ପାପ

ଦୁଇଟି ଅକ୍ଷରେ ଗଢ଼ିଲା କେ ତାକୁ 

ନାହିଁ ତାର ପରିମାପ ।

ପ୍ରେମ ସର୍ବୋତ୍ତମ ପ୍ରେମ ସର୍ବୋତ୍କୃଷ୍ଟ

ପ୍ରେମ ଅଟେ ସର୍ବବ୍ୟାପି

ଅଲଭ୍ୟ ଅମୃତ ଭାବନା ଟେ ସେତ

ହେବନାହିଁ ତାକୁ ମାପି ।

ବିଭୁ ପ୍ରେମାମୃତ କରିବାକୁ ପ୍ରାପ୍ତ

କେତେ କେତେ ମୁନି ଋଷି

କଠୋର ସାଧନା, ନିଷ୍କାମ ପ୍ରାର୍ଥନା

କରିଥାନ୍ତି ଦିବା ନିଶି ।

ପ୍ରେମ ସଜ୍ଞା ହୀନ, ପ୍ରେମ ରଙ୍ଗ ହୀନ

ପ୍ରେମ ଅଟେ ରୂପ ହୀନ

ଦୁର୍ମୂଲ୍ୟ ଦୁର୍ଲଭ୍ୟ ଅନୁଭବ ଟିଏ

ସର୍ତ୍ତ ହୀନ, ସ୍ୱାର୍ଥ ହୀନ ।

କେତେ ଭାବେ ପ୍ରେମ ଆସେ ଏ ଜୀବନେ

ଭାତୃ ପ୍ରେମ, ଭଗ୍ନୀ ପ୍ରେମ

ପିତା ମାତା ପ୍ରେମେ ସଦା ଯେ ନିମଗ୍ନ

ସନ୍ତାନ ସେ ସର୍ବୋତ୍ତମ ।

ପ୍ରେମ କେବେ ହେଲେ ପାପ ଟିଏ ନୁହଁ 

ଅଟଇ ତା ମହା ପୁଣ୍ୟ

ବିଭୁ ପ୍ରେମେ ସଦା ନିମଜ୍ଜିତ ହେଲେ

ଜୀବନ ହୋଇବ ଧନ୍ୟ ।