ଏତିକି ମୋ ନିବେଦନ
ଏତିକି ମୋ ନିବେଦନ
1 min
366
ସୁଖ ଦେଲେ ଦିଅ, ଦୁଃଖ ଦେଲେ ଦିଅ
କରିବିନି ଅଭିମାନ
ହୃଦୟକୁ ମୋର ସ୍ୱଚ୍ଛ କର ପ୍ରଭୁ
ସୁନିର୍ମଳ କର ମନ ।
ଦୁଃଖରେ ଯେମିତି ନହୁଏ କାତର
ସୁଖରେ ମୁଁ ଆତ୍ମହରା
ଇନ୍ଦ୍ରିୟ ସବୁ ମୋ ଅୟତ୍ତରେ ଥିଲେ
ହେବି ନାହିଁ ପଥହରା ।
କାହା ସୁଖ ଦେଖି ମୋ ଦୁଃଖ ସାଥିରେ
ତୁଳନା କରିବି ନାହିଁ
ମାନ, ସନମାନ, ନିନ୍ଦା,ଅପମାନ
ବୁଝି ମୁଁ ପାରିବି ନାହିଁ ।
ହାରିବା, ଜିତିବା, ପାଇ ହରାଇବା
ଅସ୍ଥିର କରିବ ନାହିଁ
ସବୁ ସୁଖ, ଦୁଃଖ ଭୁଲି ଯାଉଥିବି
ତୁମରି ଶ୍ରୀମୁଖ ଚାହିଁ ।
ତୁମରି ନାମକୁ ସଦା ଜପୁଥିବି
ତୁମ ଠାରେ ଥିବ ମନ
ହେ ଚକା ନୟନ, କରିବ ପୂରଣ
ଏତିକି ମୋ ନିବେଦନ ।