ଚଲାଇବ ହସ୍ତ ଧରି
ଚଲାଇବ ହସ୍ତ ଧରି
ଅଜଣା ପଥରେ ଚାଲୁଛି ଠାକୁରେ
ତୁମକୁ ଆଶରା କରି
ପଡ଼େ ଯଦି ଝୁଣ୍ଟି ନେବ ହେ ସାଉଁଟି
ଚଲାଇବ ହସ୍ତ ଧରି ।
ଶ୍ରୀହସ୍ତ ସ୍ପର୍ଶରେ କ୍ଳାନ୍ତି ଯିବ ଦୂରେ
ଚାଲିବି ଆଗକୁ ମୁହିଁ
ତୁମେ ଥିଲେ ସାଥେ, ଝଡଝଞ୍ଜା ଯେତେ
ଆସିଲେ ଡରିବି ନାହି ।
ହେବ ମୋତେ ସାହା ଦେଖାଇବ ରାହା
ଯେବେ ମୁଁ ଭୁଲିବି ପଥ
ଚକା ନୟନରେ ରଖିଥିବ ସଦା
ପର କରିବନି ନାଥ ।
ଚାଲୁ ଚାଲୁ ଯେବେ ସଞ୍ଜ ନଇଁ ଯିବ
ସରିଯିବ ମୋର ଦିନ
ଶ୍ରୀ ଚରଣ ତଳେ ଦେବ ଟିକେ ସ୍ଥାନ
ଏତିକି ମୋ ନିବେଦନ ।