ତୁମେ ଆଉ ମୁଁ

ତୁମେ ମୋ ନିଃଶ୍ୱାସ ତୁମେ ମୋ ବିଶ୍ୱାସ

ସ୍ପନ୍ଦନ ଏ ହୃଦୟର

ଆମ ଏ ବନ୍ଧନ ଏ ଜନ୍ମର ନୁହେଁ 

ଏ ତ ଶହେ ଜନମର ।

ତୁମେ ମୋ ଚିନ୍ତନ ତୁମେ ମୋ ସପନ

ତୁମେ ମୋ ଆଖିର ଜ୍ୟୋତି

ତୁମେ ମୋର ଶକ୍ତି ତୁମେ ମୋ ଆଶକ୍ତି

ତୁମେ ମୋର ହୀରା ମୋତି ।

ତୁମେ ମୋ ଭାବନା ତୁମେ ମୋ କଳ୍ପନା

ତୁମେ ମୋ ସାରା ସଂସାର

ତୁମେ ପୂର୍ଣ୍ଣ ଚନ୍ଦ୍ର ମନ ଅନ୍ତରୀକ୍ଷେ

ମୁଁ ଯେ ପ୍ରେୟସୀ ତୁମର ।

ତୁମେ ମୋର ଆଶା ତୁମେ ମୋ ଭରସା

ତୁମ ଲାଗି ଏ ଜୀବନ

ତୁମେ ମୋର ଶଙ୍ଖା ତୁମେ ମୋ ସିନ୍ଦୁର

ତୁମେ ମୋର ଅଭିମାନ ।

ତୁମେ ମୋର ସାହା ତୁମେ ମୋର ରାହା

ମୋ ସ୍ବପ୍ନ ରାଜକୁମାର

ତୁମ ପ୍ରେମ ରଙ୍ଗେ ମୁଁ ଆଜି ରୂପସୀ

ହୃଦୟ ରାଣୀ ତୁମର ।