ଜହ୍ନରେ ଲେଖିଛି ନାଁ

ଜହ୍ନରେ ଲେଖିଛି ତୁମରି ନାଁ ମୁଁ

ତାରାରେ ଦେଇଛି ଲେଖି

ମନ କାଗଜରେ ଲେଖିଛି ଯତନେ

ପ୍ରୀତିର ଅତର ମାଖି ।(୧)

ତୁମ ନାଁ ସାଥେ ମୋ ନାଁ କୁ ଯୋଡି

ସବୁଠି ଦେଇଛି ଲେଖି

ଜାଣୁ କି ନଜାଣୁ କେହି ଆମ ପ୍ରେମ

ଏଇ ଜହ୍ନ ଅଛି ସାକ୍ଷୀ ।(୨)

ଆକାଶ ଜାଣିଛି, ପବନ ଜାଣିଛି

ଆମ ଏ ପ୍ରେମ କାହାଣୀ

ତୁମେ ରାଜା ମୋର ମନ ରାଇଜର

ମୁଁ ତୁମ ମନର ରାଣୀ ।(୩)

ଏ ଜନମ ନୁହେଁ ସବୁ ଜନମରେ

ତୁମକୁ ପାଇବା ପାଇଁ

ଚୁପି ଚୁପି କାଲି ଜହ୍ନର କାନରେ

ମନକଥା ଦେଲି କହି ।(୪)

ତୁମେ ଥିଲେ ସାଥେ ଛୁଏଁ ନାହିଁ ମୋତେ

ଜୀବନର ସବୁ ଝଡ

ଆସ ଆମେ ଦୁହେଁ ଜହ୍ନ ରାଇଜରେ

ରଚିବା ପ୍ରେମର ନିଡ଼ ।(୫)