ତୁମ ପିତାମାତାଙ୍କୁ ଭୂମିଷ୍ଠ ପ୍ରଣାମ

ଦେଶର ସୁରକ୍ଷା ପାଇଁ 

ଯେତେ ବୀର ଜନ୍ମ

ତୁମ ପିତାମାତାଙ୍କୁ ମୋ 

ଭୂମିଷ୍ଠ ପ୍ରଣାମ 

ପୂର୍ବ ଜନ୍ମେ ସୁକର୍ମର 

ପୂଣ୍ୟ ଫଳେ ଜାଣ

ଏ ଜନମେ ତୁମ୍ଭଙ୍କୁ ସେ 

କୋଳରେ ଧାରଣ ।

ରଚିଛ ଅକ୍ଷୟ କୀର୍ତ୍ତି 

ତାଙ୍କର ଆଶିଷେ

ଦେଶ ହିତେ ବଳୀଦାନ 

ଦେଇ କେ ହରଷେ ।

ପରମବୀର ଚକର

ଉପାଧିକୁ ଲଭି

ନାମୋଜ୍ଜ୍ବଳ ନିଜ ସହ 

ପିତାମାତାଙ୍କୁ ବି ।

କିଏ ଅରି ସହ ଲଢ଼ି

ବିଜୟର ଟୀକା

ପିନ୍ଧି ସାଜିଅଛ ଜଣେ

ଜଣେ ଦୀପଶିଖା ।

ଦେଶ ମାତୃକା ଆମର

ଛାତିକୁ ଫୁଲାଇ

କଥା କହେ ଆନ ପାଖେ

ଅସ୍ମିତା ଦେଖାଇ ।

ପ୍ରଣିପାତ ଘେନ ମୋର

ଆହେ ବୀରଗଣେ

ଯେଣୁ ସୁରକ୍ଷିତ ଦେଶ

ତୁମ୍ଭରି କାରଣେ ।

କୋଟିକୋଟି ଜନତାରେ

ମୁଁ ଏକ ଅବୋଧ

ତୁମ ଶୁଭ ମନାସଇ

ବିଭୁ ପଦ୍ମପାଦ ।।