*କବିତା ଶୀର୍ଷକ:-*🌹 *ଆମ ସଂସ୍କୃତିର ସ୍ବାକ୍ଷର ନେଇ**ମ

ଆମ ସଂସ୍କୃତିର ସ୍ବାକ୍ଷର ନେଇ

ମକର ଆସିଛି ଶୀତକୁ ଛୁଇଁ ।

ପୌଷମାସ ପରା ହେଇଛି ଏଇ

ଶୀତ କୁହୁଡିଟା ଧରାକୁ ଛୁଇଁ ।

ଆସୁଛି ମକର ଗୁଡିକୁ ନେଇ

ନୀଳ ଆକାଶରେ ଦେବା ଉଡେଇ ।

ନାଲି ନେଳି ଗୁଡି ଥିବ ନଟେଇ

ଗୁଡି ଗୁଡି କାଟି ଦେବା ଜିତେଇ ।

ଲାଗୁଥିବ ଗୁଡି ସତେ ଚଢେଇ

ଉଡୁଛି ଆକାଶେ ଡେଣା ମେଲେଇ ।

ରଙ୍ଗ ବେରଙ୍ଗର ଉଡିବ ସେଇ

ହସି ହସାଇବ ମନ ଚୋରାଇ ।

ମକରରେ ରାଶି ଜାଉ ହୁଅଇ

ଆମ ପରମ୍ପରା ସଂସ୍କୃତି ଏଇ ।

ରାଶି ହଳଦୀକୁ ଦେହେ ଲଗାଇ

ମଳି ଛଡାନ୍ତି ସେ ପୋଖରୀ ଯାଇ ।

ରାଶି ବାଟି ଜାଉ କରନ୍ତି ସେଇ

ମହା ଆନନ୍ଦରେ ଯାଆନ୍ତି ଖାଇ ।

ମକର ଚାଉଳ ହାତରେ ଦେଇ

ମକର ବସନ୍ତି ଖୁସି ମନେଇ ।

ଆମ୍ବ ବଉଳଟି ଗଛରେ ହେଇ

ମହ ମହ ବାସ ଛୁଟୁ ସେ ଥାଇ ।

ସୂର୍ଯ୍ୟ ଉତ୍ତରାୟଣ ଯାନ୍ତି ହେଇ

ମକର ଧରାକୁ ହସି କହଇ ।

ମକର ସଂକ୍ରାନ୍ତି ଶୀତକୁ ଛୁଇଁ 

ଧରାକୁ ଆସଇ ଖୁସି ସେ ନେଇ ।

ଆମ ସଂସ୍କୃତିର ସ୍ବାକ୍ଷର ନେଇ 

ମକର ଜାଉଟି ମକରେ ହେଇ ।