ଦ୍ବନ୍ଦ

ଦ୍ବନ୍ଦ,

ନିରନ୍ତର ଜୀବନର ପ୍ରତି ମୁହୁର୍ତ୍ତରେ, 

ଖୋଜିବା, ପାଇବା, ପାଇ ପୁଣି

ହଜେଇବାର ହିସାବ ସରେନା ।

କେବେ ଖୁସିରେ ହସି ହୁଏନା 

ତ କେବେ ହସରେବି 

ଅସରନ୍ତି ଲୁହ ଝରିଯାଏ।

ସବୁ ପାଇବି ଖାଲି ଖାଲି ଲାଗେ, 

ଜିତି ସାରିବି ହାରିବାର ଯନ୍ତ୍ରଣା ।

ଏକ ଶୂନ୍ୟତା ଭରିଯାଏ ଜୀବନରେ ।

ଦ୍ବନ୍ଦ,

ଏକ କୁହେଳି, ଅନ୍ଧ କୂଅ

ଝାପ୍ସା ଏକ ଚେହେରା;

ବାରି ହୁଏନା କି ଜାଣି ହୁଏନା, 

ଯା'ର ପରିଚୟ ମିଳେନ।

ପ୍ରଲମ୍ବିତ ଦିଗବଳୟ ଯାଏ ।

ଏକ ଅସମ୍ପୂର୍ଣ୍ଣ ସତ୍ୟତା

ଆରମ୍ଭରୁ ଶେଷ ଯାଏ ।

ଜଳିଯାଏ ସମ୍ପର୍କର ଖିଅ ସବୁ,

ଲିଭିଯାଏ ମମତାର ମୋହ ।

ଦ୍ବନ୍ଦ,

ଏକ ଅନାବୃତ ନିର୍ଣୟ, 

ଅପରିଚିତ ଅସ୍ତିତ୍ବ, 

ଅସୀମୀତ ସଂଶୟ।