Library
Profile
ଶାସକ !
ଶାସକ !
ସନ୍ୟାସୀ ଶାସକ ଆସୀନ ଦିଲ୍ଲୀରେ
ନାହିଁ ତାର ସ୍ବାର୍ଥ ଭାବ
ଭାରତବର୍ଷ ଟି ତାର ପରିବାର
ଶାସନରେ ସମଭାବ !!
ଦେଉଛି ରାଷ୍ଟ୍ରେ କୀର୍ତ୍ତି ଗୌରବ ।
ଛାଡ଼ି ଘର ଦ୍ବାର ଧର୍ମ ଅବଲମ୍ବୀ
ଜନସେବା ମୂଳମନ୍ତ୍ର,
ଶାସନ କରୁଛି ହେଲା ଦଶ ବର୍ଷ
ଡିଜିଟାଲ କଲା ତନ୍ତ୍ର !!
ଆଣିଛି ବିଜ୍ଞ ଅପୂର୍ବ ଯନ୍ତ୍ର ।
ନିର୍ବାଚନ ରାଷ୍ଟ୍ରେ ଚୁନିବ ଶାସକ
ଗୁଞ୍ଜେ ନାମ ସନ୍ୟାସୀର,
ପୁଣି ସେ ହୋଇବ ଦେଶର ପ୍ରଧାନ
କରିବ ଆତ୍ମନିର୍ଭର !!
ତୃତୀୟ ସ୍ଥାନ ବିଶ୍ବ ଅର୍ଥର ।
କର୍ମର ବିଜୟ ଅବଶ୍ୟ ହୋଇବ
କର୍ମ ଯେ ତ୍ରେତୟା ପରି,
ରାମରାଜ୍ୟ ପରି ଶାସନ ରାଷ୍ଟ୍ରର
ବ୍ରହ୍ମଚାରୀ ହସ୍ତେ ଡୋରି !!
ବିଶ୍ବରେ ଗୁଞ୍ଜେ ନାମ ତାଙ୍କରି ।
ପରିବାରବାଦ ଘୁଞ୍ଚି ଯିବ ରାଷ୍ଟ୍ରେ
ଦୂର ହେବ ଭ୍ରଷ୍ଟାଚାର,
କରନ୍ତି ପ୍ରଧାନ ଅମୂଲ୍ୟ ଏ କାର୍ଯ୍ୟ
ଜାତିବାଦ ହେବ ଦୂର !!
ଅମୃତ କାଳ ଏବେ ଦେଶର ।
ଅସମ୍ଭବ କାର୍ଯ୍ୟ କଲେଟି ସମ୍ପନ୍ନ
ତିନିଶହ ସତୁରି ଦୂର,
ଭବ୍ୟ ଦିବ୍ୟ ହେଲା ରାମାଙ୍କ ମନ୍ଦିର
ଖୁସିର ହେଲା ସଞ୍ଚାର !!
ପାଞ୍ଚଶହ ବର୍ଷ ସମସ୍ୟାର ।
ସତ୍ୟର ବିଜୟ ହୋଇବ ଅବଶ୍ୟ
ସନ୍ୟାସୀ ହେବ ପ୍ରଧାନ,
କରିବେ ପ୍ରଧାନ ବିଶ୍ବ ଗୁରୁ ରାଷ୍ଟ୍ର
ଦିଏ ଜନ ସମର୍ଥନ !!
ବିଶ୍ବକୁ ତାର ଶାନ୍ତି ବଚନ ।
