ମାଆ
ମାଆ
ମାଆ ଏକ ଶବ୍ଦ ନୁହେଁ
ତାହା ଏକ ବିରାଟ ଅନୁଭଵ
ତାହାର କୌଣସି ଅର୍ଥ ନଥାଏ
ଖାଲି ଅନୁଭୁତିର ଆବୃତି ଥାଏ
ମା ଏକ ଅନ୍ତହୀନ ଉଚ୍ଚାରଣ
ମାଆ ଶବ୍ଦ ର ଉଚ୍ଚାରଣ ରେ ଥାଏ
ଅପରିସୀମ ଆନନ୍ଦ ର ସ୍ରୋତ ।
ମାଆର ପଣତକାନିରେ ଥାଏ
ଏକ ଉଷ୍ମତାର ଆନନ୍ଦ
ଅହେତୁକ ଆତ୍ମତୃପ୍ତି
ଆଉ ଥାଏ ଜୀବନର ଶାନ୍ତି ।
ମାଆର କୋଳ
ସବୁ ଆସନର ଉପରେ
ଏକ ଆସ୍ୱସ୍ତି ଥାଏ ମନ ଭିତରେ
ତାର ହାତ ର ସ୍ପର୍ଶରେ
ସବୁ ଦୁଃଖ ଚିନ୍ତା ଉଭାଈ ଯାଏ
ଗଭୀର ସୁଖନିଦ୍ରା ଆସିଥାଏ।
ମାଆ ସୃଷ୍ଟିର ଏକ ଅବର୍ଣ୍ଣନୀୟ
ନାରୀର ରୂପ
ତାର ସ୍ନେହ ,ତାର ମମତା ,ତାର ଭଲପାଇବାରେ
ଥାଏ ଖାଲି ବଳିଦାନର ପ୍ରତିବିମ୍ବ
ମାଆ ତାର ଚାହେନାହିଁ ପ୍ରତିଦାନ
ଚାହେଁ ତାର ସନ୍ତାନର ଦେଶ ପ୍ରତି ଅବଦାନ ।