ବର୍ଷା

ବର୍ଷା ଆସିଥିଲା 

ଭିଜାଇ ଯାଇଥିଲା

ଅତୃପ୍ତ ଆତ୍ମା କୁ

ରହିଯାଇଥିଲା

ତାର ସ୍ପର୍ଶର ଅନୁଭୂତି ସବୁ ।

ବର୍ଷା ଆସିଥିଲା

ତା ସାଥିରେ ନେଇଆସିଥିଲା

କଳା ବାଦଲ କୁ

ଅସରାଏ ବରଷା ବରସି ଯାଇଥିଲା

ଆଉ ଛାଡି ଯାଇଥିଲା

ଅବ୍ୟକ୍ତ ବିପର୍ଯ୍ୟୟ କୁ ।

ବର୍ଷା ଆସିଥିଲା

ସେଦିନ ରାତିରେ

ରିମଝିମ ବର୍ଷା ରେ

ଧୋଇହୋଇ ଯାଇଥିଲା

ମନର ଅବ୍ୟକ୍ତ ବେଦନା ସବୁ ।

ବର୍ଷା ଆସିଥିଲା

ଗତି ବଡ ତୀବ୍ର ଥିଲା

ମନ ହେଉଥିଲା

ସବୁ ଅନୁଭୂତି, ବିପର୍ଯ୍ୟୟ , ବେଦନା କୁ

ଭସାଇ ଦେବାକୁ ।

ବର୍ଷା ପୁଣି ଆସିଥିଲା ।

ତାର ପାଣିର ଧାରା ରେ

କାଗଜ ର ଡଙ୍ଗା ସବୁ ଭାସୁଥିଲା

ନୂତନ ତରଙ୍ଗ ମନରେ ଖେଳିଯାଉଥିଲା

ଆକାଶ ଇନ୍ଦ୍ରଧନୁ ର ରଙ୍ଗ ରେ ରଙ୍ଗିଯାଇଥିଲା ।