ପ୍ରେମ

ପ୍ରେମର ସଂଜ୍ଞା ନଥିଲା

ଅନୁଭବର ବ୍ୟାଖ୍ୟା ଥିଲା

ପ୍ରେମର ଚଲାପଥ

କଣ୍ଟକିତ ଥିଲା

ତଥାପି ଏହି ପଥର ପଥିକଙ୍କ

ସଂଖ୍ୟା କିଛି କମ୍ ନଥିଲା ।

ପ୍ରେମ ଯୁଗେଯୁଗେ ସ୍ଥାପିତ ଥିଲା

କେବେ ତାହା ପବିତ୍ର ଥିଲା ତ

ଆଉ କେବେ ଅପବିତ୍ରର

ମୁଖା ପିନ୍ଧି ବୁଲୁଥିଲା ।

ପ୍ରେମର ସଂଜ୍ଞା ନଥିଲା ।

ପ୍ରେମିକ ଭୁଲି ଯାଏ

ତାର ପରିଧିକୁ

ଖିନଭିନ କରେ

ମନ ଆଉ ଦେହକୁ

କ୍ଷଣିକ ସୁଖ ପାଇଁ

ମଣିଷ କରିଥାଏ ଏହି ଭୁଲକୁ

ଆଉ ପ୍ରେମ କଳଙ୍କିତ ହୁଏ

କାରଣ ପ୍ରେମର ସଂଜ୍ଞା ନଥାଏ ।

କିନ୍ତୁ ଏହି ପ୍ରେମ ବିନା

ଜୀବନ ନିରର୍ଥକ

ଏକ ସୁନ୍ଦର ଜୀବନର

ପରିକଳ୍ପନାରେ

ମଣିଷ ପ୍ରେମ କରେ

କେବେ ହାରେ

କେବେ ଜିତେ

ତଥାପି ମଣିଷ ପ୍ରେମ କରେ

କାରଣ ପ୍ରେମର ସଂଜ୍ଞା ନଥାଏ ।