ଲାଇବ୍ରେରୀ
ପ୍ରୋଫାଇଲ୍
ଦର୍ପଣ
ଦର୍ପଣ
1 min
305
ମୋ କାନ୍ଦିବା ଦେଖି ସେ କେବେ ହସିନି
କି ମୋ ହସିବାରେ ସେ ଇର୍ଷାରେ ଜଳିନି
ବାସ୍ ମୋ ସାମ୍ନାରେ ଏକ 'ମୁଁ' ହୋଇ ଛିଡ଼ା ହୋଇଛି
ମୋତେ ନିଜକୁ ଚିହ୍ନେଇ ଦେବାକୁ।
ମୋ ଭାବନାକୁ ମୋ ଠାରୁ କେବେ ଲୁଚେଇନି
ମୋ ଠାରୁ ନିଜକୁ ବି କେବେ ଦୁରେଇ ଦେଇନି
ବାସ୍ ମୋର ଏକ ପ୍ରତିରୂପ ହୋଇ ମୋ ସାମ୍ନାରେ ଛିଡ଼ା ହୋଇଛି
ମୋ ମୁଖ ଭଙ୍ଗୀ ସହିତ ତାଳ ଦେବାକୁ।
ସେ ମୋତେ କେବେ ଭୁଲ ଭାବରେ ପଢିନି
କି ମୋ ସହ କେବେ ଛଳନା କରିନି
ବାସ୍ ମୋର ଆତ୍ମସ୍ୱରୂପ ହୋଇ ମୋ ସାମ୍ନାରେ ଛିଡ଼ା ହୋଇଛି
ମୋତେ ଆତ୍ମସମୀକ୍ଷାର ସୁଯୋଗ ଦେବାକୁ।
ମୋ ଭାବନା ସହିତ କେବେ ସେ ଖେଳିନି
କି ମିଛ କହି ମୋଠାରୁ ମୋ ନିଜକୁ ଦୂରେଇ ଦେଇନି
ବାସ୍ ଏକ ବାସ୍ତବତା ହୋଇ ମୋ ସାମ୍ନାରେ ଛିଡ଼ା ହୋଇଛି
ମୋତେ 'ମୁଁ' ହୋଇ ବଞ୍ଚିବାର ସୁଯୋଗ ଦେବାକୁ।
