କଥା ଦେଇଥିଲ

କଥା ଦେଇଥିଲ ଆସିବାକୁ ପ୍ରିୟ

କାହିଁତ ଆସିଲ ନାହିଁ,

କେତେତାତି ଛାତି ଭିତରେ ବିତିଲା

ତୁମ ରାହା ପଥ ଚାହିଁ,

ବାତାୟନ ପାଶେ ବସିଲି ଏକାନ୍ତେ

ଅତୀତର ସ୍ମୃତି ନେଇ....

କଥା ଦେଇଥିଲ ............।

ବାସର ଶେଜ ମୋ' ଅସାର ହୋଇଲା

ଫୁଲ ଶୁଖି ହେଲା କଣ୍ଟା,

କେଉଁ ରାଇଜରେ ରହିଲ ଗୋ ପ୍ରିୟ

ଆଉ କି' ପାଇବି ଦେଖା,

କାନେକାନେ ମୋର ଦେଲାକେ ଖବର

ଖୋଜିବାରେ ଲାଭ ନାହିଁ....

କଥା ଦେଇଥିଲ...............।

କହିଥିଲ ପ୍ରିୟ ପହିଲି ଆଷାଢ଼େ

ଫେରି ଆସିବ ମୋ' ପାଶେ,

କାମନାର ନିଆଁ ଧୋଇ ଦେଇଯିବ

ତୁମ ନହୁଲି ପରଶେ,

ଆଷାଢ଼ ସରିଲା , ଶ୍ରାବଣ ସରିଲା

ଶୁଖିଲା ଯୌବନ ନଈ...

କଥା ଦେଇଥିଲ ............. .।