Library
Profile
କ୍ଷଣ କ୍ଷଣକେ ଆନ
କ୍ଷଣ କ୍ଷଣକେ ଆନ
ରାସ୍ତାରେ ଭେଟଘାଟ ଅଚାନକ ହେଲେ
ଛକରେ ମୁଁହକୁ ମୁଁହ ମିଶିଗଲେ ଦିଶିଗଲେ
କେମିତି ଅଛ ବନ୍ଧୁ କାନକୁ ଶୁଭିଗଲେ
ହାତ ଆପେ ଆପେ ହଲିଯାଏ
ଉପରକୁ ଉଠିଯାଏ ଆପଣାଛାଏଁ
ସ୍ମିତହାସ୍ୟରେ ଖୁସି ଝଲସୁଥାଏ
ଉତ୍ତର ପ୍ରତ୍ୟୁତ୍ତର ଦିଆ ନିଆ ହେଉଥାଏ
ଉତ୍ସବମୁଖର ପରିବେଶ ଜଣାପଡୁଥାଏ
ହସ୍ତ ମର୍ଦ୍ଦନ ସରୁ ସରୁ
କୋଳମଣ୍ଡନ କରୁ କରୁ
କେତେ ଖୁସି ଫୁଲ ଫୁଟି ଚହଟିଯାଏ
ପୃଥିବୀ କ୍ଷଣ କ୍ଷଣକ ଆନ
ଆଲିଙ୍ଗନ ପର୍ବ ପରେ ପରେ ଆରମ୍ଭ
ରାଗ ଅଭିମାନ
ଆଉ ମୁଁହ ଫୁଲା ଫୁଲି ଚାଲେ
ଅତୀତ ଦିନର ସ୍ମୃତି ରୋମନ୍ଥନ
ସବୁ ରାଗ ରୋଷ ଭୂଲି ଶେଷରେ
ପୁଣି ଫେରି ଆସନ୍ତି ସେହି
ପିଲାଦିନର ରୂପେଲି ସୁନେଲି ହଜିଲା ଜହ୍ନ
ବନ୍ଧୁର ବନ୍ଧୁକ ପୂରା କାନ୍ଧ ଉପରେ
ଫୁଟିଲା ଗର୍ଜିଲା ଅନେକ ଥର <
/p>
ବାକ୍ୟବାଣରେ ମୁଗ୍ଧ କଲା ଆପଣାର
ମାନିଲାନି ବନ୍ଧନ ବାରଣ ତାରଣ ଦ୍ଵାର
ଦୁଃଖ ଦେଇଗଲା ଦରଦୀ ବନ୍ଧୁ ମୋର
ବାନ୍ଧି ପାରିଲାନି ସିନ୍ଧୁ ସାଗର
ଜୀବନରେ ଦୁଃଖ ବି ଅଛି ସୁଖ ବି ଅଛି
ଯାଆଁଳା ଭାଇ ପରି
ଦୁଃଖ ଅଛି ମାନେ ଜଞ୍ଜାଳ ରହିବ
ଦୁଃଖ ଜଞ୍ଜାଳ ଅଛନ୍ତି ମାନେ
କଷ୍ଟ ହେବ ସମସ୍ୟା ଆସିବ
ସମସ୍ୟା ସମାଧାନ କରି ଚାଲିଛି
ମଜାରେ ଅଛି ସାଙ୍ଗ
ସମ୍ଭାଳିବାକୁ ପଡୁଛି ପାଳିବାକୁ ପଡୁଛି
ସୁଖ ଅଛି ମାନେ ଖୁସି ଅଛି
ଆସୁ ଆସୁ ଅଗଣାକୁ
ପଶୁ ପଶୁ ଘର ଭିତରକୁ
ଛୁ ମନ୍ତର ମାରୁଛି
ବାଲିକୁ ମୁଠେଇ ଧରିବା ପରି
ଆଙ୍ଗୁଳି ଫାଙ୍କରୁ ଝରି ପଡ଼ୁଛି
ବନ୍ଧୁ ମିଳନର କ୍ଷଣିକ ଖୁସି ଲହରୀ
ଖୋରାକ ଯୋଗାଇବ
ବନ୍ଧନକୁ ଆହୁରି ମଜବୁତ କରିବ
ବାହି ଚାଲିବାକୁ ରକ୍ତରଞ୍ଜିତ ଜୀବନ ତରୀ
