Library
Profile
କୃପାକର ଜଗନ୍ନାଥ
କୃପାକର ଜଗନ୍ନାଥ
1 min
144
ଶଙ୍ଖନାଭି କ୍ଷେତ୍ରେ ଶ୍ରୀନୀଳକନ୍ଦରେ
ଉଡେ ନୀଳଚକ୍ରେ ନେତ
ବିଜେ ଜ୍ୟୋତିରୂପେ ସତ୍ୟ ସନାତନ
କଳ୍ପବଟ ଜଗନ୍ନାଥ ।
କୃପା ପାରାବାର ହୁଅନ୍ତୁ ସହାୟ
ମରତ ହେଉ ବୈକୁଣ୍ଠ
ବିକଶୁ ଜୀବନ ପ୍ରଫୁଲ୍ଲ କମଳ
ଧର୍ମ ହେଉ ପରିପୁଷ୍ଟ ।
ଉନ୍ମେଷୁ ଉତ୍ତମ ଜୀବନ ଚେତନା
ସହସ୍ରାର ହୃଦ ପଦ୍ମ
ପ୍
Advertisement
ରବହୁ ମଳୟ ନିର୍ଝରୁ ଅମୃତ
ଶାନ୍ତିସୁଧା ସ୍ନେହପ୍ରେମ ।
ହେଉ ସୁପ୍ରଶସ୍ତ ରାଜ ବଡ଼ଦାଣ୍ଡ
ଚଳୁ ଜାତି ନନ୍ଦିଘୋଷ
କୈବଲ୍ୟ ମୁକତି ସିଦ୍ଧି ଚଉବର୍ଗ
ପ୍ରାପ୍ତି ହେଉ ଲକ୍ଷ୍ୟ ମୋକ୍ଷ ।
ଅଭୟ ଆଶ୍ରୟ ହେଉ ସୁପ୍ରାପତ
ନିସ୍ତରୁ ପତିତ ଜନ
ଚରିତାର୍ଥ ହେଉ ପୁରୁଷ ଉତ୍ତମ
ଦିବ୍ୟଆଶା ନିବେଦନ ll
