ହୋଲିରେ ହୋଲି

ହୋଲି ରେ ହୋଲି ଆସିଛି ହୋଲି

ରଙ୍ଗ ବେରଙ୍ଗ ପସରା ମେଲି

ହୋଲି ରେ ଭୁଲିବା ଆପଣା ପର

ସବୁ ହୃଦୟରେ କରିବା ଘର ।।

ବରଷ କେ ଥରେ ଦୋଳ ବିମାନରେ

କହ୍ନେଇ ଯାଉଛି ରାଇଜ ବୁଲି

ଶ୍ରଦ୍ଧାରେ ଶ୍ରଦ୍ଧାଳୁ ନାଚି ନାଚି ଯାନ୍ତି

କାନ୍ଧରେ ବସାଇ ଖେଳାନ୍ତି ଦୋଳି ।।

ହୋଲି ରେ ହୋଲି ଦେବା ହୃଦୟ ଖୋଲି

ଭାଇଚାରା ପରମ୍ପରା ବାଣ୍ଟି ବାରତା

ବାର ମାସରେ ପରବ ତେର ଓଡ଼ିଶା ରାଇଜେ

ଘଣ୍ଟ ଘୋଡେଇ ରଖନ୍ତୁ ଜଗତ କରତା ।।

ଦୋଳ ମେଲଣ ନା ' ନା ରଙ୍ଗେ ହସେ ଜୀବନ

ଆବାଳ ବୃଦ୍ଧ ବନିତା ସ୍ମୃତି ସାଇତା

ରଙ୍ଗ ବରଷି ଯାଉ ଏମିତି ବରଷୁ ଥାଉ

ସମସ୍ତଙ୍କୁ ମୋର ହୋଲି ଶୁଭେଚ୍ଛା ବାରତା ।।