Buy Books worth Rs 500/- & Get 1 Book Free! Click Here!
Buy Books worth Rs 500/- & Get 1 Book Free! Click Here!

Hemanta Patra

Fantasy


3  

Hemanta Patra

Fantasy


କଳ୍ପନା ସୁନ୍ଦରୀ

କଳ୍ପନା ସୁନ୍ଦରୀ

1 min 39 1 min 39

ନା ତୁ ଗୋଲାପ

ନା ତୁ ଚମ୍ପା

ନା ଜୁଇ ଜାଇ ହେନା

ତୁ ମୋ ପାଇଁ

ଏମିତି

ଫୁଲ କୁଆଁରୀଟିଏ

ତୋ ଭାବନାରେ

ମୁଁ ପଡିଛି ବନ୍ଧା ।।

ଅସ୍ତ ସୁର୍ଯ୍ୟର ଲାଳିମା ତୁ

ପ୍ରସ୍ତର ଗାତ୍ରରେ

ଶିଳ୍ପୀର କଳା ନୈପୁଣ୍ୟ ତୁ

ମୋ ମନର

ନୂତନ ଉତ୍ସାହ ତୁ

ମୋ କ୍ଳାନ୍ତ ମୁଖ ମଣ୍ଡଳରେ

ସନ୍ତୋଷର ଆଭା ତୁ ।।

ତୁ ତ ମୋର

ସପନ ନାୟିକା

ସ୍ମୃତି ଅନାମିକା

ମୋ ସପନରେ ଆସି

ମିଠା ମିଠା କଥା

କହୁ ହରସି ।।

ପରିଚୟ ତୋର

ମୋତେ ଅଗୋଚର

ଭାବନାରେ ମୋର

ତୁ କରିଛୁ ଘର

ନିତି ସପନରେ ଢାଳୁ

ତୁ ପ୍ରେମର ନୀର ।।

ତୁ ଯେବେ ଆସୁ

ମୋ ସପନ ଅଗଣାର

ଗୋଲାପ ଗଛରେ

ଢାଙ୍କି ହୋଇଯାଏ

ନାଲି ଓଢଣା

କେତେବେଳେ ତୁ ରାତ୍ରୀ ସାଜି

ହରିନେଉ ନିଦ ମୋର

ଭରିଦେଉ ସ୍ୱପ୍ନ ଯୁଗ ଯୁଗର ।।

ପୁଣି କେତେବେଳେ

ଶ୍ରାବଣର ବରଷା ପରି

ବରଷି ଯାଇ

ମୋ ହଜିଲା ମନକୁ

ଦେଉ ସଜାଡି

ପୁଣି ଯେବେ ତୁ ସାଜୁ

ମୋ ରାତ୍ରୀ ଆକାଶର ଜହ୍ନ

ମୁଁ ବିରହିଣୀ ନୀଳକଇଁ ପରି

ଝୁରୁଥାଏ ତୋତେ ରାତି ଦିନ ।।


Rate this content
Log in

More oriya poem from Hemanta Patra

Similar oriya poem from Fantasy