କଳଙ୍କ

ଅଜବ ଏଇ ଠିକଣା,

ଜୀବନର ମିଠା ସ୍ୱପ୍ନ-

ଅହେତୁକ ଆକର୍ଷଣରେ ।

ଆଶାବାଦୀ ସମୟର ବାଟ

ନୀତି ଝୁଣ୍ଟିଯାଏ -

ବଞ୍ଚିବାର ଦୁରନ୍ତ ପଥରେ ।।୧।।

ରକ୍ତାତ ଶରୀର ଜଣେ,

ଯନ୍ତ୍ରଣାର ଅଳ୍ପ ଅନୁଭବକୁ

ଜୀବନର ବିଶ୍ରାମ ସ୍ଥଳରେ ।

ଭାବନାକୁ ଆଉଜି,

ନିଦ ହଜିଯାଏ-

ଆଖିର ପଳକରେ ।।୨।।

ସଂଜ ସବୁବେଳେ ଲୁଚେ,

ଅନ୍ଧାରର ଅଗମନେ-

ମୋ ପାଇଁ ନଈରେ ।

କାନ୍ଦିବାକୁ ମନ ଖୋଲି-

ଲୁହ ଢାଳି କେତେ

ରାତ୍ରିର ଶେଯରେ ।।୩।।

ପ୍ରତିବାଦ କରେନି ନିଜଠି,

ନିଜ ଯୌବନର ଚେହେରା-

ଅମପର ରଙ୍ଗୀନ ଆଇନାରେ ।

କେବେ, ପରଖି ବସେ,

ଏ ଦୁନିଆଟା-ସତ ଆଉ ମିଛରେ

ଜୀବନର କଳଙ୍କ ଛାଇରେ ।।୪।।

******