ଲାଇବ୍ରେରୀ
ପ୍ରୋଫାଇଲ୍
କଳଙ୍କ
କଳଙ୍କ
1 min
205
ମୋ ମଥାରେ ବୋଳି
କଳଙ୍କ ଦାଗ
ମୋତେ କଲୁ କଳଙ୍କିନୀ
ଗୋପପୁର ଛାଡି ଗଲୁ ମଥୁରା ବାହୁଡି
କହ୍ନେଇ ଆଉ ତୁ ଫେରିଲୁନି ll
କାନ୍ଦେ ଗୋପପୁର
ଯମୁନା ନଈ
ବାହୁନି କାନ୍ଦେ ରାଧିକା ମାଈଁ
କାହା ମୁହଁ ଚାହିଁ ବଞ୍ଚିବି ଆଉ
ଏ କଳଙ୍କର ନିନ୍ଦା ଅପନିନ୍ଦା ସହି ll
ଶୁଭିବନି ଆଉ
ବଈଁଶିର ସ୍ବର
କଦମ୍ବ ମୂଳେ
ଗୋପ ଗୋପାଲୁଣି ବସନ ଚୋରି
କିଏ କରିବ ଯମୁନା କୂଳେ ll
ଅନ୍ତର କାନ୍ଦୁଛି
ହୃଦୟ ଜଳୁଛି
ବିରହ ନିଆଁରେ ଦିନରାତି
ବୁଝେନାଈଁ ମନ ଆରେ ଘନଶ୍ୟାମ
ନିନ୍ଦା ଅପମାନ ଦେଇ ଚାଲିଗଲୁ କେମିତି ll
କି କଲୁ ଶବର
ବିନ୍ଧିଦେଲୁ ଶର
ଶିଆଳି ଲତା କୁଞରେ
ଏ ଦ୍ବାପର ଯୁଗ ହୋଇଗଲା ଶେଷ
ତୁମେ କଳାକାହ୍ନୁ ଚାଲିଗଲା ପରେ ll
