ବର୍ଷା ଭିଜା ଜୋସ୍ନା ରାତି

ଶ୍ରାବଣର ଝିପିଝିପି

   ବର୍ଷାଭିଜା ଜୋସ୍ନା ରାତି  

   ବାଦଲ ଦୋଳିଳେ ଆସିବ ମୋମନ ମାନସୀ

ତା ଛାତିତଳେ ଚାପି ଉଷୁମ ତନ୍ଦ୍ରା ପରଶେ 

ପଣତକାନୀରେ ଦେବ ମୋ ମୁହଁ ପୋଛି ll

କାମନାର ତୃଷା

   ମେଣ୍ଟିବୁ ଦୁହେଁ

   ବର୍ଷାରେ ଭିଜି ଭିଜି

ସ୍ମିତ ହସ ଚାହାଣିରେ ପ୍ରେମ ଆଳାପେ କିଛି

ସ୍ପର୍ଶର ଅନୁଭବ ଶାନ୍ତି ଉନ୍ମାଦନାରେ ଯିବୁ ହଜି ll

ନୀଳ ଆକାଶର

   କଳା ବାଦଲ ଦେଖି

   ସତେ ଭାରିଲାଗେ ଉଛନ  

ମୋ ସରଗ ରାଇଜର ସୁନା ପରୀ ଆସିବ

ବର୍ଷା ସ୍ନାତା ଦେହର ବାସ୍ନାରେ ପ୍ରଫୁଲିତ ମନ ll

ଅଳସୀ ପ୍ରେୟସୀ

   ରୂପସୀ ନାୟିକା ଆସିବ

   ବର୍ଷାର ରିମିଝମି ସୂରେ ନୂପୁର ବଜାଇ

ଭିଜା ଦେହ ମନ ପରାଣ ସଞରି ଉଠିବ  

ଭିଜା ଲମ୍ବତ ମୁକୁଳା କେଶର ସ୍ପର୍ଶପାଇ ll