ଖୁବ୍ ମନେପଡେ
ଖୁବ୍ ମନେପଡେ
ଖୁବ୍ ମନେ ପଡ଼େ
ଝିପିଝିପି ବର୍ଷାରେ
ସବୁଜ ମୋ ଗାଁ ଦାଣ୍ଡ
ଆଉ,
ସବୁଜ ଗାଲିଚା ରେ
ସାଧବ ବୋହୂ ମାନଙ୍କର ଭିଡ଼
ଆଉ,
କୁନି କୁନି ହାତରେ
ସେମାନଙ୍କୁ ଧରିବା-
ଅପୁରନ୍ତ ଆନନ୍ଦର ବର୍ଷା
ଯେଉଁଠି ଲିପିବଦ୍ଧ
ପ୍ରକୃତି ସଙ୍ଗେ ହଜି ଯିବା
ଦର୍ଶନର କଥା ।
ଖୁବ୍ ମନେପଡ଼େ .
ବଡ଼ସାର୍ ଙ୍କ ଚିମୁଟା
ପୁଣି ସ୍କୁଲ ନଗଲେ
ଦୁଆର ଦୁଆର ବୁଲି
ପିଲାମାନଙ୍କୁ ସ୍କୁଲ ନେବାର ମୁହୂର୍ତ୍ତ -
ଆଉ,
ବୃତ୍ତି ପରୀକ୍ଷା ପାଇଁ ଖୋଜି ଆଣି
ପାଖରେ ପଢ଼ାଇବାର ମୁହୂର୍ତ୍ତ _
ଯେଉଁଠି ଲିପିବଦ୍ଧ
ଶିକ୍ଷାଦାନର ମହାନତା
ଆଉ,
ଗୁରୁ ଶିଷ୍ୟ ସଂପର୍କର
ଦର୍ଶନର କଥା ।
ଖୁବ୍ ମନେ ପଡ଼େ.
ଗାଁ ର ପର୍ବପର୍ବାଣୀ
ଯେଉଁଠି ନିରଳସ ମଣିଷ ମାନଙ୍କର
ନିଷ୍କାପଟ, ଆନ୍ତରିକ
ସାଂସ୍କୃତିକ ସେବା-
ଆଉ
ବାରିହେଉଥାଏ
ମନ ଭିତରର କ୍ଷୋଭହୀନ, ଚିନ୍ତାହୀନ
ଅସରନ୍ତି ଆନନ୍ଦ_
ଯେଉଁଠି ଲିପିବଦ୍ଧ
ସଂସ୍କୃତିକୁ ସମ୍ମାନ ଦେବା ର
ଦର୍ଶନର କଥା ଓ
ଭାଇଚାରା ଦର୍ଶନ ର କଥା ।
ଖୁବ୍ ମନେ ପଡ଼େ
ଗାଁ ଦାଣ୍ଡେ କ6ଳଇଗୋଚ୍ଛା ପୂର୍ଣ୍ଣ
ଶଗଡ଼ ଗାଡି -
ଆଉ ତା ପଛରେ ପିଲାଙ୍କର ଭିଡ
ଧାନକେଣ୍ଡା ଗୋଟାଇବା ପାଇଁ
ଆଉ,
ଚୁଡ଼ା କରି ଭୋଜି କରିବାର
ଅବ୍ଯକ୍ତ ଆନନ୍ଦ -
ଯେଉଁଠି ଲିପିବଦ୍ଧ
କେଣ୍ଡା କେଣ୍ଡା ଧାନର
ମହତ୍ତ୍ୱର କଥା
ଯେଉଁଠି ଲିପିବଦ୍ଧ
କେଣ୍ଡା ଭିତରେ ଭଣ୍ଡାରର
ଦର୍ଶନର କଥା
ଆଉ,
ପ୍ରତ୍ୟେକଟି ଦାନାର ଦର୍ଶନର କଥା ।
ଖୁବ୍ ମନେ ପଡେ
ବୋହୁ ଚୋରି, ପୁଚ଼ି ଖେଳ କଥା
ନିଃସର୍ତ୍ତ ଆତ୍ମୀୟତା ମାନଙ୍କ ଭିତରେ
ମାଟିକୁ ଆଲିଙ୍ଗନ କରିବାର ମୁହୂର୍ତ୍ତ
ଯେଉଁଠି ଲିପିବଦ୍ଧ ବିଜ୍ଞାନର କଥା,
ଯେଉଁଠି ଲିପିବଦ୍ଧ ଏକତାର କଥା
ଆଉ,
ଯେଉଁଠି ଲିପିବଦ୍ଧ -
ଆନ୍ତରିଣ ଆନନ୍ଦର ଜୀବନ ଦର୍ଶନ ।