Library
ଖସଡ଼ା ବାଟରେ ଗୋରୀ ଦେଇଛୁ ପାଦ
ଖସଡ଼ା ବାଟରେ ଗୋରୀ ଦେଇଛୁ ପାଦ
1 min
7
ଖସଡ଼ା ବାଟରେ ଗୋରୀ ଦେଇଛୁ ପାଦ
କହୁଛୁ କ'ଣନା ମତେ ହେଉନି ନିଦ
ନିରୀହା ହେଉଛୁ ମିଛେ ଜାଣୁନୁ ଭେଦ
..........ଖସଡ଼ା ବାଟରେ ଗୋରୀ ଦେଇଛୁ ପାଦ ! ୦ !
ଚାହାଣି ହାଣୁଛୁ ଏତେ ସରମ ଭୁଲି
କାହାଣୀ ଆଣୁଚୁ କେତେ ନରମ ବୋଲି
ଛୁଆଁଇ ଦେଇଛୁ ଭଲ କାଉଁରୀ ଗଦ
..........ଖସଡ଼ା ବାଟରେ ଗୋରୀ ଦେଇଛୁ ପାଦ ! ୧ !
ଉଠୁଛି ବସୁଛି ଖାଲି ତୋହରି ଖୁସି
ବାହାର ଦୁନିଆ ମୋର ଗଲାଣି ଭାସି
ନିଶାରେ ପିଆଇଦେଲୁ ପୀରତି ମଦ
..........ଖସଡ଼ା ବାଟରେ ଗୋରୀ ଦେଇଛୁ ପାଦ ! ୨ !
ନାଚୁଛି ଗାଉଛି କେତେ ତତେ ମୁଁ ଦେଖି
ଭାବୁଚି ନିଜକୁ ଭଲା ପରମ ସୁଖୀ
ତୋ ଲାଗି ମିଳିଲା ମତେ ପ୍ରେମିକ ପଦ
..........ଖସଡ଼ା ବାଟରେ ଗୋରୀ ଦେଇଛୁ ପାଦ ! ୩ !
