ଖପରା ପକେଇ ସିନା ଡେଇଁଚି ପାଦ

ଖପରା ପକେଇ ସିନା ଡେଇଁଚି ପାଦ

ମୋ ସାଥେ ଖେଳିକି ତୁମେ କରିନ ବାଦ

.........ଖପରା ପକେଇ ସିନା ଡେଇଁଚି ପାଦ ! ୦ !

ଭୁଲିନି ସମୟ ତାଳେ ରଖିଛି ମନେ

ଜୀବନ ଖେଳରେ ପରା ଭେଟିଛି ଦିନେ

ମିଠାର ସୁରକୁ ତୋଳି ବୋଲିଛ ପଦ

.........ଖପରା ପକେଇ ସିନା ଡେଇଁଚି ପାଦ ! ୧ !

ଖରାପ ଛବିରେ ତୁମେ ମାଖିଛ ରଙ୍ଗ

ଭାବିଛ ନିଜର ବୋଲି ବଢ଼ିଆ ସାଙ୍ଗ

ସପନ ଆଖିକୁ ମୋର ଅଳସ ନିଦ

.........ଖପରା ପକେଇ ସିନା ଡେଇଁଚି ପାଦ ! ୨ !

ଥରିଲା ଓଠରେ ତୁମେ ଫଗୁଣ ଛୁଆଁ

ସରମ ପଣର ଆହା ଗୁଣର ନାଆଁ

ମୋ ପାଇଁ ସାଜିଛ ସିନା ପ୍ରେମର ବେଦ

.........ଖପରା ପକେଇ ସିନା ଡେଇଁଚି ପାଦ ! ୩ !