ଖୋଲିଦେ ତୋର ସିଂହ ଦୁଆର
ଖୋଲିଦେ ତୋର ସିଂହ ଦୁଆର
ଜଗା କାଳିଆ ଖୋଲିଦେ
ତୋର ସିଂହ ଦୁଆର
ପାପୀ ତପୀଙ୍କୁ ଦର୍ଶନ
ଦିଅ ହେ କଳାଠାକୁର । (ଘୋଷା ) ।।୦୧।।
ନପାଇ ତୁମ୍ଭ ଦର୍ଶନ
ନିଜକୁ ମଣୁଛି ହୀନ,
ତୁମେ ପରା ଅନ୍ତର୍ଯ୍ୟାମୀ
ଅନ୍ତର ବାରତା ଜାଣ (୨ ଥର )
ଖୋଲିଦିଅ ତୁମେ ପ୍ରଭୁ...
ସିଂହ ଦୁଆରକୁ ତୋର। (ଘୋଷା ) ।।୦୨।।
ଅନେକ ଦିନ ହେଲାଣି
ଦେଖିନି ତୁମ ବଦନ,
ଦର୍ଶନ କରିବା ପାଇଁ
ବ୍ୟାକୁଳ ହୁଏ ମୋ ମନ - (୨ଥର )
ଦର୍ଶନ ଦିଅ ହେ ପ୍ରଭୁ...
ଆହେ ଜଗତ ଈଶ୍ୱର। (ଘୋଷା ) ।।୦୩।।
ଦର୍ଶନ ଦିଅ ଠାକୁର
ନିଜକୁ କରେ ଧିକ୍କାର,
ଶରୀର ସିନା ମୋହର
ତୁମେ ଆତ୍ମା ରାମ ମୋର - (୨ଥର )
ତୁମ ବିନା କିଏ ଅଛି...
ମୋର ସୁଖର ଦୁଃଖର। (ଘୋଷା )।।୦୪।।
ତୁମେ ପ୍ରଭୁ ଭକ୍ତଙ୍କର
ଭକ୍ତ ସର୍ବଦା ତୁମର,
ଭକ୍ତ ଦୁଃଖେ ସଦା ଦୁଖୀ
ତୁମେ ମୋ କଳାଠାକୁର (୨ଥର )
ଧନ୍ୟ ଲୀଳା ଲଗାଇଛ..
ଆହେ ଜଗତ ଠାକୁର ।(ଘୋଷା )।। ୦୫।।
ଜଗା କାଳିଆ ଖୋଲିଦେ
ତୋର ସିଂହ ଦୁଆର
ପାପୀ ତପୀଙ୍କୁ ଦର୍ଶନ
ଦିଅ ହେ କଳାଠାକୁର
ପାପୀ ତପୀଙ୍କୁ ଦର୍ଶନ
ଦିଅ ହେ କଳାଠାକୁର।