ମାଆ ଶାରଳା ମାଆ ଭଗବତୀ
ମାଆ ଶାରଳା ମାଆ ଭଗବତୀ
କେଡ଼େ ଶୋଭା ମୟୀ
ଦିଶୁଛ ତୁମେ ଗୋ
ମାଆ ତୁମେ ଠାକୁରାଣୀ,
ଶାରଳା ପୀଠରେ
ପୂଜା ପାଉଅଛ
ତୁମେ ହିଁ ଜଗ କଲ୍ୟାଣୀ।
ଆକାର ପ୍ରକାର
ତୁମେ ନିରାକାର
ତୁମେ ସର୍ବ ଶକ୍ତି ମୟୀ ,
ତୁମେ ହିଁ ମାଦୁର୍ଗା
ତୁମେ ଜଗଦମ୍ବା
ତୁମେ ହି କରୁଣା ମୟୀ ।
କେତେ ବେଳେ ତୁମେ
ଜଗଦମ୍ବା ରୂପେ
କେତେ ବେଳେ ହୁଅ କାଳୀ,
ଅନେକ ରୂପରେ
ମହି ମଣ୍ଡଳରେ
ଧରାକୁ ଆସୁଛ ମାଡ଼ି !
ତୁମ ଦିଆ କର୍ମେ
ନିତି କରେ ଆସି
ସକାଳ ରୁ ସଞ୍ଜ ଯାଏ ,
ତୁମରି ସେବାରେ
ଯାହା କିଛି ମିଳେ
ମନ ଶାନ୍ତ କରିଥାଏ ।
ତୁମରି ସେବାରେ
ସମର୍ପି ଦେଇଛି
ମନ ପ୍ରାଣ ସବୁଥିରେ ,
ତୁମ ବିନା ମୋର
ଅନ୍ୟ ଗତି ନାହିଁ
ଏ ଜୀବନ ଜଞ୍ଜାଳରେ ।