ଶୀତ ରାଜୁତି
ଶୀତ ରାଜୁତି
ଶୀତ ରାଜୁତି ସେ କରାମତି
ଦେଖାଏ ତା'ର କୋହ
ଶୀତ ସମୀର ବହଇ ଯେବେ
ଶୀତେଇ ଉଠେ ଦେହ ।
ଶିଖର ଦେଶେ ଶୀତୁଆ ବାଆ
ଶୀତ ପ୍ରକୋପ ସହେ
ସକାନ ବେଳା କୁହୁଡି ଘେରା
ଶିଖର ଦେଶେ ରହେ ।
ଶୀତ ରାତିର ଶୀତୁଆ ମଜା
ରଜେଇ ତଳେ ଲାଗେ
ନିଦଟା ହେଲେ ସପନ ଆସେ
ରାତିଟା ପାହେ ଶେଷେ ।
ଶୀତ ରାତିରେ ନିଆଁର ଜ୍ଵାଳା
ଆନନ୍ଦ ଦିଏ ସତେ
ଦେହଟା ହୁଏ ଉଷୁମ ଯେବେ
ଆରାମ ଲାଗେ କେତେ ।
ବରଫ ଘେରା ପାହାଡ ସାରା
ହିମ ପ୍ରପାତ କୋହ
ହିମାଞ୍ଚଳରେ ଶୀତ ପ୍ରୋକପ
ଚାଲିଛି ଅହରହ ।
ଶୀତ ବିଦାୟ ବେଳ ଆସିଲା
ଶୀତର ମଜା ଶେଷ
ଆର ବରଷେ ଆସିବ ପୁଣି
ଦେଖାଇବ ତା ଯଶ ।