ଶ୍ରୀ ଜଗନ୍ନାଥ ଙ୍କ ସହସ୍ର ନାମରାଜ

ଶ୍ରୀ ଜଗନ୍ନାଥ ସହସ୍ର ନାମେ ସେ

ନାମିତ ସଂସାର ଯାକ

ପ୍ରଭୁ ନିରାକାର ଅଟନ୍ତି ସେ ବ୍ରହ୍ମ

ବୋଲାନ୍ତି କଳା ଶ୍ରୀ ମୁଖ ।

ଅସୀମ ଅନନ୍ତ ଅବିନାଶୀ ସିଏ 

ଜଗନ୍ନାଥ ପରମବ୍ରହ୍ମ

ଅନାଥର ନାଥ ପ୍ରଭୁ ଜଗନ୍ନାଥ

ଅଟନ୍ତି ସେ ଦାରୁ ବ୍ରହ୍ମ ।

ଅଗତିର ଗତି ଆରତ ତ୍ରାଣ ସେ 

କମଳାଲୋଚନ ହରି

କରୁଣା ସାଗର କମଳା ବଲ୍ଲଭ

ଜଗତ ପାଳନ କାରୀ ।

ହେ କରୁଣା ସିନ୍ଧୁ କୃପାର ସାଗର

କଳ୍ପବଟ ମୂଳବାସୀ ,

ଜଗତର ନାଥ ଅଟ ଜଗନ୍ନାଥ

ସିଂହାସନେ ଅଛ ବସି ।

ଚିନ୍ତାମଣି ଯିଏ ଚକା ଆଖି ସିଏ

ଚତୁର୍ଭୁଜ ଚକ୍ରଧର

ଅନେକ ନାମରେ ବିଭୂଷିତ କାହ୍ନା

ମହା ବାହୁ ମାୟାଧର।

ନୀଳଗିରି ନାଥ ନୀଳକନ୍ଦର ର

ମହୋଦଧିକୂଳ ବାସି

ଜଗତ ଉଦ୍ଧାର କର ହେ ମଣିମା

ହେ ଶ୍ରୀ ମନ୍ଦିର ନିବାସୀ ।

ଶ୍ଵେତ ପଦ୍ମତୋଳା ଶ୍ରୀକ୍ଷେତ୍ର ବଲ୍ଲଭ

ଲକ୍ଷ୍ମୀପତି କଳାଗୋସାଇଁ 

ହେ ଦିନବନ୍ଧୁ ଦଇତାରୀ ପ୍ରଭୁ

ତୁମେ ନୀଳାଚଳ ସାଇଁ।

ଜୟ ଦେବରାଜ ଦେବାଧିରାଜ ହେ

ଭୂବନମୋହନ ହରି

ସହସ୍ର ନାମକୁ ଜପଯେ କରିବ

ଉଦ୍ଧାରିବେ ଭବନାଉରୀ ।