କେବଳ ତୁମରି ପାଇଁ
କେବଳ ତୁମରି ପାଇଁ
ରୁପର ରାଣୀ ଆଗୋ ସଜନୀ
ଚନ୍ଦ୍ରମା ସମଶୋଭା ,
ଧରି ଅଙ୍ଗରେ ରୂପର ଭାର
ଛୁଟାଅ ସ୍ନେହଆଭା । ।
ପ୍ରେମ ପୂଜାରିଣୀ ରୂପର ରାଣୀ
ମୋ ଜୀବନ ଯଉବନେ,
ପ୍ରେମର ଧାରା ବରଷାଇଦିଅ
ଏଇ ମନଉପବନେ ॥
"ପ୍ରେମ "ସିନା ଅଟେ ଦୁଇଟି ଅକ୍ଷର
ତମକୁ କି ନାହିଁ ଜଣା,
ସେଇ ପ୍ରେମ ମୋତେ ପାଗଳ କରିଛି
ମୁଁ ମରିବି ସେ ପ୍ରେମ ବିନା ॥
ପ୍ରେମର ମଦିରା ପିଆଇ ଦେଲଯେ
ମତୁଆଲା ହୋଇଗଲି,
ସେଇ ପ୍ରେମ ପାଇଁ ପାଗଳ ହୋଇ
ମୁଁ ସମସ୍ତଙ୍କୁ ଭୁଲିଗଲି ।।
ତମେ ଏକା ମୋର ଜୀବନର ଅର୍ଥ
ତମ ପାଇଁ ଏ ଜୀବନ,
କାହାରିକୁ କେବେ ଦେବିନାହିଁ ମନ
ଏହା ମୋ ଶପଥ ଜାଣ । ।
ମରିବାକୁ ମୋର ଡର ନାହିଁ ସାଥି
କାହାରିକୁ ଭୟ ନାହିଁ,
ଯେତେ ସବୁ ଦୁଃଖ ଯନ୍ତ୍ରଣା ସହିବି
କେବଳ ତୁମରି ପାଇଁ।
ହଁ ହଁ ମୁଁ କେବଳ ତୁମରି ପାଇଁ . . . .