କାରଣ ତୁ ମାଆ

ମା' ତୁ ସନ୍ତୁଷ୍ଟ ହେଉ 

କେବଳ ମାତୃତ୍ୱ ର ସମ୍ବୋଧନ ରେ 

କେବେ ତୁ ମାଗିନୁ କିଛି 

ଐଶ୍ୱର୍ଯ୍ୟ କି ଅସମାପ୍ତ ସୁଖ  ।

ସନ୍ତାନର ମୁଖ ଦର୍ଶନ ରେ ହିଁ 

ତୋର ଅସୀମ ତୃପ୍ତି ।

ବାଲ୍ୟକାଳର ଅନ୍ଧତ୍ୱ ପାଖରୁ 

ପରିପକ୍ୱତାର ଆଲୋକ ପର୍ଯ୍ୟନ୍ତ 

କେବଳ ତୋର ଉପସ୍ଥିତି ହିଁ ମନେପଡେ 

ଆହାରର ତୃପ୍ତି ଠୁ ଆରମ୍ଭ ହୋଇ

ପାହାରର ଚିତ୍କାର ପର୍ଯ୍ୟନ୍ତ ।

କେବଳ ମାଆ ହିଁ ମନେପଡେ

ପରିବାରର ବୋଝ ବୋହୁ ବୋହୁ 

କେତେବେଳେ ତୁ ନଇଁ ନଇଁ ଚାଲିଲୁଣି 

ମୋତେ ଜାଣିବାକୁ ବେଳ ହେଇନି ।

କିନ୍ତୁ ବାର୍ଦ୍ଧକ୍ୟ ର ଛାପ 

କେବେ ବି ତୋ ମୁହଁ ରେ ଦେଖିନି 

ଯେତେବେଳେ ବି ଦେଖେ 

ସେହି ତତ୍ପରତା ଭରା ଉସ୍ଛାହ 

ନିଜ ସନ୍ତାନ ପାଇଁ ।