ମୁଁ ବୁଝେନି
ମୁଁ ବୁଝେନି
ମୁଁ ବୁଝେନି ,
ବୁଝିବାକୁ ଚାହୁଁନି ମଧ୍ୟ
ଭାତ କେଇଟା କଂସାରୁ ପଡିଗଲେ
ବୋଉର ଅଜଶ୍ର ଗାଳି ।
ସାମାନ୍ୟ ଉତ୍ସୃଙ୍ଖୁଳରେ
ବାବାଙ୍କ ନାଲି ଆଖି
ସମ୍ବିଧାନ ବହିର୍ଭୁତ ତାଗିଦ
ଲଦି ଦିଅନ୍ତି ମୁଁ ଉପରେ
ମୁଁ ବୁଝେନି ।
ସ୍କୁଲରେ ଟିକେ ବିଳମ୍ବ ହେଲେ
ହେଡମାଷ୍ଟ୍ରେଙ୍କ ଧମକ
ଧଳା ସାର୍ଟରେ ଦାଗ ,ନଖରେ ମଳି
ମୁଣ୍ଡରେ ତେଲ ନ ମାରିଲେ ,
ପିଟ୍ ସାରଙ୍କର ବେତ ପ୍ରହାର
ମୁଁ ବୁଝେନି ।
କଲେଜର ଶେଷ ହେଇଚି
ଚାକେରି ପାଇଁ ମୁଁ ଭୋରରୁ ଉଠୁଛି
ଡ୍ରେସ ଆଇରନ୍ କରିବା ଶିଖିଗଲିଣି
ରୋଷେଇ କରିବା ମଧ୍ୟ
ସଂଘର୍ଷ ବେଳେ ମନେପଡେ
ବୋଉର ଅଜଶ୍ର ଗାଳି,
ବାପାଙ୍କ ତାଗିଦ ,
ସାର୍ଙ୍କ ନାଲି ଆଖି ।
ବୁଝିବା ପାଇଁ ଡେରି ହେଇନି
ମୁଁ ବୁଝିଲିଣି ।
ମାଟି ଭାଙ୍ଗିଲେ ମଞ୍ଜି ଜନ୍ମ ନିଏ
ସୁନା ତାତିଲେ ଶୁଦ୍ଧ ହୁଏ
ପଥର ଭାଙ୍ଗିଲେ ମୂର୍ତ୍ତି ହେଇଯାଏ ,
ମୁଁ ବୁଝି ପାରୁଛି ।
ବୋଉର ଗାଳି ,
ବାପାଙ୍କ ତାଗିଦ ,
ସାର୍ଙ୍କ ବେତ ପ୍ରହାର ,
ଆଜି ବି ମୋ ମାର୍ଗ ଦର୍ଶକ ।।