Library
Profile
ବନ ମହୋତ୍ସବ
ବନ ମହୋତ୍ସବ
ମୁଁ ମଧ୍ୟ ଏକ ଉତ୍ସବ
ଅନ୍ୟ ଉତ୍ସବ ଭଳି
ଖୁସୀର ବାର୍ତ୍ତ ଦିଏ
ସମାଜ ର ହିତ ପାଇଁ
ମୋର ସୃଷ୍ଟି ହୁଏ
ମୁଁ ବନ ମହୋତ୍ସବ ।
1950 ମସିହା ରେ ମୋର ଜନ୍ମ
କେ. ଏମ୍ ମୁନସୀ ଦ୍ୱାରା
ଜୁଲାଇ ପ୍ରଥମ ସପ୍ତାହ ରେ ।
ମୁଁ ଅନ୍ୟତମ ମୁଁ ଅଭିନ୍ନ ମୁଁ ଅତୁଳନୀୟ
କେବଳ ମାତ୍ର ଉତ୍ସବ ନୁହେଁ
କେବଳ ପଟ୍ଟଚିତ୍ର ଭିତରେ
ସୀମିତ ନୁହେଁ ମୋର ଅସ୍ତିତ୍ୱ
କେବଳ ସମାଜ, କି ସାହିତ୍ୟ ନୁହେଁ
ଯାହାର ପୃଷ୍ଠା ମଣ୍ଡନ ମୁଁ କରେ ।
ମୁଁ ଜୀବନ ଦାୟିନୀ ଏକ ଉତ୍ସବ
ପ୍ରାଣ ରକ୍ଷା କାରି ଏକ ମାଧ୍ୟମ
ପ୍ରାଣ ବାୟୁର ଜନନୀ
ଅଜସ୍ର ବିଷ ଭକ୍ଷଣ କରୁଥିବା
ଜଣେ ଜଡ଼ ,ଚେତନ ପୁରୁଷ ।
ନିଜକୁ ବଞ୍ଚାଇବା ପାଇଁ
ଏକ ପ୍ରହସନ ମାତ୍ର
ମୋର ମନେ ହୁଏ
।
କୃତଘ୍ନ ଲୋକ ଲୋଚନ ରେ
ନିଜର ଶ୍ରେଷ୍ଠତ୍ୱ ପ୍ରମାଣିତ କରିବା
ହାସ୍ୟାସ୍ପଦ ମନେ ହୁଏ ,ନୁହେଁ କି ?
ମୋର ହ୍ରାସତ୍ୱରେ,
ହ୍ରାସ ହୁଏ ମଣିଷ ର ଆୟୁଷ
ବସୁମତୀ ହୁଏ ବନ୍ଧ୍ୟା
ନିମିଷକେ ମନୁଷ୍ୟ ହେଇଯାଏ
ନିର୍ଜୀବ ମାଂସ ପିଣ୍ଡୁଳା ।
ତଥାପି ମଣିଷ କୃତଘ୍ନ
ମୁର୍ଖତା ର ଶେଷ ସୀମାରେ
ନିଜେ ହିଁ ନିମନ୍ତ୍ରଣ କରେ
ବିନାଶ ର ବିଭୀଷିକାକୁ ।
ଉତ୍ସବ ମାତ୍ର ପାଳନରେ
ପ୍ରାୟଶ୍ଚିତ ର ପ୍ରାପ୍ତି ନୁହେଁ
ରଙ୍ଗମଞ୍ଚ ର ଭାଷଣ ରେ
ପୁଣ୍ୟତ୍ୱ ର ପ୍ରାପ୍ତି ନୁହେଁ
ମୋତେ ସୃଷ୍ଟି କର
ମହୋତ୍ସବକୁ ମହାପୁଣ୍ୟରେ
ପରିବର୍ତ୍ତନ କର
ସଂକଳ୍ପ କରି
ମୁଁ ତୁମର ରକ୍ଷା କରିବି
ତୁମେ ମୋର ସୁରକ୍ଷା କର
ବନ ମହୋତ୍ସବକୁ ସଫଳ କର ।
