ଲାଇବ୍ରେରୀ
ପ୍ରୋଫାଇଲ୍
ଜନ୍ମ ଦିନ
ଜନ୍ମ ଦିନ
1 min
203
ନକ୍ଷତ୍ର ଭିତରେ ନିଜତ୍ୱର ସନ୍ଧାନ
ସମୀପ ଆକାରରେ ଥାଇ ମଧ୍ୟ
ଅନାବୃତ ଚିହ୍ନ ଭେଦରେ ମୁଁ ...
ଆତ୍ମ ସନ୍ଧାନରେ ଆତ୍ମ ଅନ୍ୱେଷଣ
ଅଶରୀରରୁ ଶରୀର ପ୍ରାପ୍ତି
ଶରୀର ଜନ୍ମ ନେବାର ଉତ୍ସବ ମାତ୍ର
ମୁଁ ଶିବାଂଶ ମୋକ୍ଷ ବିଚ୍ୟୁତ
ଏକ ଜୀବନ୍ତ ଉଲକା ।
କର୍ମମୟ ଏ ପୃଥିବୀ
କାଳର କବଳରେ ବୟସ
ଏକ ନୂତନ ବୟସ ଯୋଗ ହୁଏ
ଫେଡ଼ି ହେଇଯାଏ ଆୟୁଷ ।
ଆମେ ଖୁସି ହେଉ
ବୟସର ଅଙ୍କ କଷି ।
ଯୋଗ ବିଯୋଗର ଗଣିତରେ
ମୃତ୍ୟୁକୁ ଭୟ କରି
ମୋକ୍ଷକୁ ବିଜ୍ଞାନ ପ୍ରମାଣ ପର୍ଯ୍ୟନ୍ତ
ଆମେ କଷିଚାଲୁ ଜୀବନର ମାନସାଙ୍କ।
