କାନ୍ଦିବ ତା ଠାରୁ ବେଶି

ଆଖିର ଲୁହକୁ କାଗଜ ଉପରେ

ଶବ୍ଦରେ ସଜେଇ ଦେଲି

ଲେଖୁ ଲେଖୁ କିଛି ମନର ଭାବନା

କବିତାଟେ ଲେଖିଦେଲି ।

ଦୁଃଖ କାହାଣୀ ମୋ ଶୁଣିବ ବା କିଏ

କିଏ ସେ ଦେବ ଉତ୍ତର

କେଉଁ ଭୁଲ୍ ର ଯେ ଏତେ ବଡ଼ ଶାସ୍ତି

ସ୍ଵପ୍ନ ଦେଲ ଭାଙ୍ଗି ମୋର ।

ଦିନେ ନା ଦିନେ ତ ଦେବାକୁ ପଡ଼ିବ 

ମୋ ଲୁହର ପ୍ରତ୍ୟୁତ୍ତର 

ସାଜି ପଳାତକ ଆଉ କେତେ ଦିନ

ଲୁଚି ଲୁଚି ବୁଲୁଥିବ ।

ଆଉ କେତେ ନେବ ମିଛର ସାହରା

କେତେ ଦାଗ ଲଗାଇବ

ନିଜେ କରିଥିବା ଭୁଲ୍ ର ବୋଝକୁ

ଅନ୍ୟ ମୁଣ୍ଡେ ଲଦୁଥିବ ।

ଅଭିଶାପ ଦେଲି ହୃଦୟ କୋଣରୁ

କେବେ ନ ପାଇବ ଶାନ୍ତି

ମୋ ଜୀବନେ ଯେତେ ଦୁଃଖ ଭରି ଅଛ

କାନ୍ଦିବ ତା ଠାରୁ ବେଶୀ ।