କାହିଁକି ତୁ

କାହିଁକି ତୁ,

ଋତୁଚକ୍ର ପରି ଫେରିଆସୁଛୁ

ଏକ ନିର୍ଦ୍ଦିଷ୍ଟ ସମୟପରେ !

କାହିଁକି ତୁ,

ଚାହିଁରହିଛୁ ଝରକା ଫାଙ୍କରେ

ଅଫେରାରାତିର ଜ୍ୟୋସ୍ନାରେ !

କାହିଁକି ତୁ,

ସେବେଠୁ ଭାବୁଛୁ କି

ବର୍ଷିଯାନ୍ତି ତୋ ଅଗଣାରେ !

କାହିଁକି ତୁ,

ମାଗୁ ଲୁହ ଆଞ୍ଜୁଳାଏ

କି ଅଜାଡ଼ିଦେବି ତୋ ଛାତିରେ !

କାହିଁକି ତୁ,

ଲକ୍ଷ୍ୟଚ୍ୟୁତ କରୁ ଦୃଷ୍ଟିକୁ କି

ଲାଖି ରୁହନ୍ତି ତୋ ବିନ୍ଦିରେ !

କାହିଁକି ତୁ,

ସବୁକିଛି କରୁ ଫିକାଫିକା କି

ଧାର ମାଗନ୍ତି ତୋ ରଙ୍ଗରେ !

କାହିଁକି ତୁ,

ଏତେ ନିଜର କରିଦେଲୁ 

କି ଭୁଲିବା ହେଉନି ଭୁଲରେ..।