Library
Profile
କାହିଁ ବା କେତେ !
କାହିଁ ବା କେତେ !
କୃଷକ ହାତରେ ପଇସା କେତେ ବା
ଗରିବ ଘରେ ଧନ ଦୌଲତ କେତେ
ରାସ୍ତା କଡ଼େ ଧାଡି ଧାଡି ଦୂବ ଫୁଲ
ପାଦେ ଦଳିଯାଏ ବହପ ବା କେତେ
ଯେତେ ଝାଳ ବୁହାଇଲେ ପୁରେନା ଉଦର
ସମସ୍ୟା ଘେରରେ ଘାଣ୍ଟେ ଦୀନବର
ଚେଷ୍ଟା ଚଳେଇଛି ସଂଘର୍ଷ ଜାରି ରହିଛି
ତା ପାଇଁ ଦୁଃଖର ସଂଘାତ ବା କେତେ
ଯେତେ ବି ବୟସ ସମସ୍ୟା ବି ସେତେ
ତେଲ ଲୁଣର ଯୋଗାଣ ବଢିଯାଏ କେତେ
ତୁଣ୍ଡରେ ପକାଇ ରାତି ଦିନ କର୍ମ କରି ଚାଲିଛି
ତା ପାଇଁ ଝଡ଼ ଝଞ୍ଜାର ଡ଼ର ବା କେତେ
ଯେତେ ରୋଜଗାର ଯୋଜନା ବି ତହୁଁପାର
ବଜାର ଦର ମୂଦ୍ରାସ୍ଫିତି ଭାରେ ନିଅଣ୍ଟିଆ ଘର
ହାରି ନାହ
ିଁ ଯୁଦ୍ଧ ସଂଗ୍ରାମ ଜାରି ଚାଲିଛି
ତା ପାଇଁ ମହଙ୍ଗା ଛାଟର ଭୟ ବା କେତେ
ଯେତେ ଲମ୍ବା ଚାଦର ଗୋଡ ହୁଏନା ଆରପାର
ଅଧା ପେଟେ ପାଣିପିଇ ଶୋଇଯାଏ କର୍ମବୀର
ପିଲା ପରିବାର କଥା ଭାବୁଭାବୁ ରାତ୍ରିପାର
ତା ପାଇଁ ଛାଡଖାଇର ନିରାଶା ବା କେତେ
ଯେତେ ବି ଅର୍ଜିଲେ ଅକୁଳାଣ ସଂସାର
କଟା ଛଟାରେ ଗଡିଚାଲେ ଅଭାବି ଘର
ରୋଗ ବଇରାଗ ବେଳେ ସ୍ମରେ ଚକାଡୋଳା
ତା ପାଇଁ ନିର୍ବାଣ ପ୍ରାପ୍ତି ଦୂର ବା କେତେ
ଭବ ସାଗରେ ଭବୁଟୁବୁ ସକାଳେ ସଞ୍ଜେ
ଡାକୁଛି ଚକାନୟନ ଅସହାୟ ମଞ୍ଜେ
ରଖିଲେ ରଖିବ ହରି ମାରିଲେ ମାରିବ
ତା ପାଇଁ ଭକ୍ତି ନୈବେଦ୍ୟ କାହିଁ ବା କେତେ
