କାଗଜ ଡଙ୍ଗା

ବରଷା କାଳରେ ଖେଳ ପଡିଆରେ

ହୁଏ ନାହିଁ ଯେଣୁ ଖେଳି

ଚାରି ଆଡେ ପାଣି କାଦୁଅ ଚରିକି

ଯେଣେ ଚାହଁ ତେଣେ ପାଣି ।

ଖେଳ କଉତୁକ ତେଜି ଶିଶୁ ମାନେ

ନବ ରୋମାଞ୍ଚ ସ୍ପନ୍ଦନ

ଲଭି ଶିଶୁ ମନ କାଗଜ ଘେନିଣ

କରନ୍ତି ଡଙ୍ଗା ନିର୍ମାଣ ।

ନାନା ଗୀତ ଗାଇ ପାଣିରେ ଭସାଇ

ଲଭନ୍ତି କେତେ ଉଲ୍ଲାସ

କାଗଜେ ତିଆରି ଶିଖି କାରିଗରୀ

ଶିଶୁ ଏ କେତେ ହରଷ ।

ଆହା କି ଆନନ୍ଦ ଲାଗୁଥାଏ ସତେ

ଦୂରୁ ଦେଖିଲେ ତାହା

ବରଷା କାଳରେ ଖେଳ ପଡିଆ ରେ

ଭାସି ଆସି ଲାଗେ ଡଙ୍ଗା ।

ଜଳର ପ୍ଲାବନ ଖେଳାଇ ଜୀବନ

କାହାଣୀ ଗାଇ ନାଚନ୍ତି

କଉତୁକେ ମୋହି ନିଏ ମନ ଚାହିଁ

ହସେ ସତେ ଗାଆଁମାଟି ।

ବରଷା କାଳରେ ଜଳର ସ୍ରୋତରେ

ଉଠୁ ଥାଏ ନିତି ଉର୍ମି

ଭସାନ୍ତି ତହିଁରେ ତିଆରି ଶିଶୁ ଏ

ଡଙ୍ଗା ନିଏ ମନ କିଣି ।