ଜୟ ଜଗନ୍ନାଥ

ଇଛାରେ ତୋହର ଜଗତ ଚାଲିଛି

ଏମିତି ଇଛା ତୁ କାହିଁକି କଲୁ

ଏକା ଏକା ଆସି ସ୍ନାନ ସାରି ଗଲୁ

ଭକ୍ତଙ୍କୁ ଦର୍ଶନୁ ବଞ୍ଚିତ କଲୁ I

ତୋ ଲୋମ କୂପରେ କୋଟିଏ ବ୍ରହ୍ମାଣ୍ଡ

ଏ ଛାର କରୋନା ଡରେଇ ଦେଲା

ଏକା ଏକା ବସି ରତ୍ନ ସଂହାସନେ

କି ସୁଖ ଅବା ତୁ ପାଉଛୁ ଭଲା I

ଭକତ ବତ୍ସଳ ବୋଲି ନାମ ଡାକ

ଭକତଙ୍କ କଥା ଭୁଲି କି ଗଲୁ

ସତେ କଣ ତୋର ଶକ୍ତି ହଜିଗଲା

କରୋନା ଆଗରେ ମୁଣ୍ଡ ନୋଇଁଲୁ I

ଜଗତର ନାଥ ଜଗତ କରତା

କାଳିଆ ଠାକୁର କଳା ଶ୍ରୀମୁଖ

ବିଶ୍ୱ ବ୍ରହ୍ମାଣ୍ଡକୁ ଦେଖା ତୋର ଶକ୍ତି

ନଲାଗୁ ତୋ ନାମେ ମିଛ କଳଙ୍କ I

ଫର ଫର ଉଡୁ ପତିତ ପାବନ

ପତିତ ଜନଙ୍କୁ ଉଦ୍ଧାର କର

ସଭିଙ୍କ ମୁହଁରୁ ଉଚ୍ଚାରିତ ହେଉ

ଜୟ ଜଗନ୍ନାଥ କୃପା ସାଗର I