ଆସ ଆସ ବିଶ୍ଵ ପୁରୁଷ (୧୪)

   ଚତୁର୍ଦ୍ଦଶ ଦିନ ଏଇତ        ଲାଗଇ ଚଉଦ ବରଷ

ସବୁରି ମୁହଁରୁ କାଢିତ        ନେଇ ଯାଇଅଛି ହସ

           ରାମ ଯଥା ବନବାସ

ଗଲାପରେ ଯେହ୍ନେ ଅଯୋଧ୍ୟା ଦୁଃଖରେ ହୋଇଛି ବିବଶ

ଆସି କରି ଏବେ ଭାରତ      କରୋନା ଢାଳୁଛି ବିଷ 

ଧୀରେ ଧୀରେ ଆସି ବିସ୍ତରି   ଦେଶକୁ କରିଛି ନିଶବ୍ଦ

ମଣିଷ ଅନ୍ତରେ ସବୁରି      ଶୁଭେ କୋହଭରା ଗୀତ

            ଜୀବନ ତ ଅସ୍ତବ୍ୟସ୍ତ

ମହାମାରୀ ରୂପେ ସମଗ୍ର ବିଶ୍ଵେ କରୁଛି ଏମିତି ନୃତ୍ୟ 

ଦ୍ଵାପରେ ଯେପରି କୋକୁଆ     ଭୟେ ଗୋପ ଭୟଭୀତ 

ଆଜି ବିଶ୍ୱ ସ୍ଵାସ୍ଥ୍ୟ ଦିବସ  କରୋନା କରିଛି ଆକ୍ରାନ୍ତ

ପାଳିବା କୁ ନାହିଁ ସାହସ   ମୃତ୍ୟୁ ବିସ୍ତାରିଛି ହାତ

      ଭରେ ଜୀବନେ ହତାଶ

ତଥାପି ବିଶ୍ଵାସେ ମଣିଷ ଡାକଇ ଈଶ୍ୱର ଆସ 

ଏ ଦୁଃଖ କାଳରେ ନିରାଶ  ନକର ହେ ବିଶ୍ଵ ପୁରୁଷ