ଜୀବନକୁ ମିଳୁ ରାହା
ଜୀବନକୁ ମିଳୁ ରାହା
ତୁମେ ଆଦ୍ୟାଶକ୍ତି ନିତ୍ୟ ସନାତନୀ
ସବୁଜ ସତ୍ୟ ସୁନ୍ଦର
ଅନୁପମା ତୁମେ ମାତୃ ସ୍ୱରୂପିଣୀ
ଜୀବନର ସୂତ୍ରଧର ।
ସୁକୋମଳ କୋଳ ସବୁଜିମା ଭରା
ଫଳଛାୟା ସମନ୍ବିତ
ହରିନିଏ ମନ ସୁଷମା ମାଧୁରୀ
ସୌନ୍ଦର୍ଯ୍ୟ ବର୍ଣ୍ଣନାତୀତ ।
ତୁମ କୃପା ବଳେ ହସେ ବିଲବନ
ଜୀବନ ହୁଏ ଉନ୍ମେଷ
ଉପୁଜେ ଫସଲ ସମୁଦ୍ଭବେ ଶସ୍ୟ
ସୁବାସ ସୁମନ ହସ ।
ତୁମେ ମମତାର ଅମୃତ ନିର୍ଝର
ସ୍ନେହ ପ୍ରେମ ସୁମଧୁର
ମଧୁମୟ ତୁମେ ଜୀବନ ସଙ୍ଗୀତ
ଶବ୍ଦ ଲୟ ତାଳ ସ୍ୱର ।
ତୁମେ ଗତି ମୁକ୍ତି ସୃଷ୍ଟିର ଆଧାର
ଜଗତ ଜନନୀ ମାଆ
ଭରିଦିଅ ପ୍ରାଣେ ସବୁଜିମା ଶାନ୍ତି
ଜୀବନକୁ ମିଳୁ ରାହା ।