ଲାଇବ୍ରେରୀ
ପ୍ରୋଫାଇଲ୍
ଜୀବନ ମନ୍ତ୍ର (୨)
ଜୀବନ ମନ୍ତ୍ର (୨)
1 min
297
ହସିବାର କଳା କାନ୍ଦିବା କୌଶଳ
ଭଲଭାବେ ଯିଏ ଶିଖିଯାଇଛି
ଦୁନିଆଁ ଦାଣ୍ଡରେ ଖେଳି ଜିତିବାରେ
ପୁରା ପୋଖତ ସେ ହେଇଯାଇଛି।
ହସିବା ବେଳରେ ସମସ୍ତେ ଥାଆନ୍ତି
କାନ୍ଦିବା ବେଳରେ ନଥାନ୍ତି କେହି
ଏକା ଏକା କାନ୍ଦି ନିଜ ଲୁହ ନିଜେ
ପୋଛେ ଯେ ଜଗତଜିତାଟି ସେହି ।
ସୁଖ ଆଉ ଦୁଃଖ ସମୟ ନଈର
ଏପାଖ ସେପାଖ ଦୁଇଟି କୂଳ
ଭାସି ଯାଉଯାଉ କେବେ ଏ କୂଳରେ
ଅବା ଲାଗିଯାଏ ସେପଟ କୂଳ।
ସୁଖ କୂଳେ ଥାଇ ସେ କୂଳକୁ ଚାହିଁ
ମଣିଷ ବାପୁଡା ହସେ ଖୁସିରେ
ଜାଣିପାରେ ନାହିଁ ସମୟର ସୁଅ
କେବେ ନିଏ ତାକୁ ଦୁଃଖର ତୀରେ।
ଦୁଃଖ କୂଳରେ ଯେ ଥାଏ, ଲୁହ ଢାଳେ
ଆକୁଳେ ଚାହେଁ ସେ ଆର କୁଳକୁ
ହାତଗୋଡ ଛାଟି ନୟାନ୍ତ ହୁଏ ସେ
ଯିବାପାଇଁ ନଈ ଆର ପାଖକୁ ।
