Library
Profile
ଜୀବନ ଜୀବିକା ଆମ
ଜୀବନ ଜୀବିକା ଆମ
ଜୀବନ ଜୀବିକା
ଆମ ବନ୍ଧା ପଡିଛି
ସରକାର ସରକାରୀ ଯୋଜନାର
ଅଂଶ ସାଜିଛି
ଜୀବନ ଜୀବିକା
ଆମ ବନ୍ଧା ପଡ଼ିଛି ।
ମା ମାଟି ଆଜି
ଆମ ବନ୍ଧା ପଡ଼ିଛି
ବିଦେଶୀ ପୁଞ୍ଜିପତି ଙ୍କ ପାଶେ
ଆମ ଶାସନ ପ୍ରଶାସନ କଳ
ଆଣ୍ଠୁ ମାଡିଛି ।
ନାରା ପରେ ନାରା ଖାଲି
ଦିଆ ଚାଲିଛି
ପ୍ରଗତି ଓ ବିକାଶର
ଡିଣ୍ଡିମ ପିଟା ଚାଲିଛି
ହେଲେ ଜୀବନ ଜୀବିକା
ଆମ ବନ୍ଧା ପଡ଼ିଛି ।
ସବୁ ସରକାରୀ ସଂସ୍ଥା
ଏବେ ବେସରକାରୀ ସଂସ୍ଥା ହାତେ
ଟେକା ଚାଲିଛି
ଠିକା ନିଯୁକ୍ତିରେ ଏ ଦେଶ ଚାଲୁଛି
ମଧ୍ୟବିତ୍ତ ଗରିବଙ୍କ ଜୀବନ ଜୀବିକା ସହ
ଖେଳ ଚାଲିଛି
ଜୀବନ ଜୀବିକା ଆମ ବନ୍ଧା ପଡ଼ିଛି ।
ଉଦ୍ୟୋଗପତି, ପୁଞ୍ଜିପତି ଓ ଶିଳ୍ପପତିଙ୍କ
ହାତେ ଏ ଦେଶ ବନ୍ଧା ପଡ଼ିଛି
ନେତା ମନ୍ତ୍ରୀ ଙ୍କ ମିଛ ନିର୍ବାଚନ ଚାଲିଛି
ଶାସନ ନାମେ ଶୋଷଣ ତନ୍ତ୍ରର
ବିକାଶ ହେଉଛି ।
କୃଷକ ଶ୍ରମିକ ମାନଙ୍କୁ
ଅଣ ଦେଖା କରାଯାଉଛି
ମହିଳାମାନଙ୍କ ସୁରକ୍ଷା ନାମେ
ମହିଳା ସଶକ୍ତିକରଣର
ମିଥ୍ୟା ପ୍ରତିଶ୍ରୁତି ଦିଆ ଯାଉଛି
ବଧୂ ନିର୍ଯ୍ୟାତନା ନାରୀ ନିର୍ଯ୍ୟାତନାର
ପ୍ରକୃତ ଚିତ୍ର ଏ ଦେଶେ
ଦେଖା ଦେଉଛି ।
କନ୍ୟା ଭୃଣ ହତ୍ୟାର ବନ୍ଯା ଛୁଟୁଛି
ଲିଙ୍ଗ ନିରୂପଣ କରି
ସ୍ତ୍ରୀ ପୁରୁଷ ଙ୍କ ମଧ୍ୟେ
ପାର୍ଥକ୍ୟ ଦିନୁ ଦିନ ବଢି ଚାଲିଛି
ଶିକ୍ଷା ସ୍ଵାସ୍ଥ୍ୟ ସମସ୍ୟା କୁ
ଆମ ସରକାରୀ କଳ
ଭୁଲି ଯାଇଛି ।
ଘରୋଇକରଣ କୁ ପ୍ରାଧାନ୍ୟ ଦେଇ
ଏ ଦେଶର ନେତା ମନ୍ତ୍ରୀମାନେ
ବାଃ ବାଃ ନେଉଛନ୍ତି
ଛାତ୍ର ଯୁବକ ବିଶୃଙ୍ଖଳିତ ହୋଇ
ନିଶାଖୋର ବେଶ୍ୟା ଖୋର
ହେବାକୁ ବାଧ୍ୟ ହେଉଛନ୍ତି ।
ସେବା ଓ ତ୍ୟାଗକୁ
ଆଜି ଏ ମଣିଷ ଭୁଲିଛି
ସମାଜ ସଂସ୍କାର ନାମେ
ଯୋଜନା ପରେ ଯୋଜନା
ଏ ସରକାର ଓ ସରକାରୀ କଳ
କରି ଚାଲିଛି
ହେଲେ ଆମ ଜୀବନ ଜୀବିକା
ଏବେ ପୁଞ୍ଜିପତି ଉଦ୍ୟୋଗପତି ଙ୍କ
ପାଶେ ବନ୍ଧା ପଡ଼ିଛି ।
