ଜୀବନ ହିଁ ଯନ୍ତ୍ରଣା
ଜୀବନ ହିଁ ଯନ୍ତ୍ରଣା
ଜୀବନ ମାନେ ତ ଯନ୍ତ୍ରଣା ବନ୍ଧୁ
ଯନ୍ତ୍ରଣା ନାହିଁ ତ ଜୀବନ ନାହିଁ
ଜନନୀ ଯନ୍ତ୍ରଣା ପାଏ ବୋଲି ସିନା
ଶିଶୁ ଟିଏ ଖେଳେ ଆଲୋକ ଛୁଇଁ l
କେତେବେଳେ ମିଳେ ଦେହରେ ଯନ୍ତ୍ରଣା
କେତେବେଳେ ଭରେ ମନରେ କୋହ
କେଉଁ ଯନ୍ତ୍ରଣାକୁ ସହି ହୁଏ ପୁଣି
କିଏ ସୃଷ୍ଟି କରେ ମରମେ ଦାହ l
ବୟସର ପ୍ରତି ସୋପାନେ ଯନ୍ତ୍ରଣା
କିଛି କହିହୁଏ କିଛି ଗୋପନ
ଦେହର ଯନ୍ତ୍ରଣା ଆସିବା ପୂର୍ବରୁ
ଦୟାକରି ପ୍ରଭୁ ଦିଅ ମରଣ l
ଦେହ ଯନ୍ତ୍ରଣାକୁ ଔଷଧ ମିଳଇ
ମନ ଯନ୍ତ୍ରଣାକୁ ଔଷଧ ନାହିଁ
ଏକା ଭଗବାନ ସାହାରା ହୁଅନ୍ତି
ତାଙ୍କ ନାମ ଏକା ଆଶ୍ରା ଅଟଇ l
କଷ୍ଟ ସହିଥିଲେ କୃଷ୍ଣ ଲାଭ ହୁଏ
ଏଇ କଥାଟିକୁ ମନରେ ରଖି
ଯନ୍ତ୍ରଣା ର କଷ୍ଟ ସହ୍ୟ କରିଥିଲେ
ପୀୟୂଷ ଜୀବନେ ପାରିବା ଚାଖି l
ଯନ୍ତ୍ରଣା ଭରା ଜୀବନରେ ଆମ
ଏକା ଆଶ୍ରା ପ୍ରଭୁ ସେ କଳା ଦିଅଁ
ତାଙ୍କ ପାଦତଳେ ଶରଣ ଯାଉଛି
ଯନ୍ତ୍ରଣା ସହିବା ଶକତି ଦିଅ ll