ଚନ୍ଦ୍ର ଗ୍ରହଣ
ଚନ୍ଦ୍ର ଗ୍ରହଣ
ପୂର୍ଣ୍ଣିମା ତିଥିରେ କେତୁ ଗ୍ରାସେ ଚନ୍ଦ୍ର
ହୁଅଇ ଚନ୍ଦର ଗ୍ରହଣ
ଏ ପୁରାଣ ଗାଥା ଜେଜେ ମା' କାହାଣୀ
ପରା କହେ ଆଜି ବିଜ୍ଞାନ ।
ଅନ୍ତରୀକ୍ଷ ବକ୍ଷେ ସୌର ପରିବାର
ତା' ଚଉପାଶରେ ବୁଲନ୍ତି
ଗ୍ରହ ଉପଗ୍ରହ ସୂରୁଯ କିରଣେ
ପରା ଆଲୋକିତ ହୁଅନ୍ତି ।
ଚନ୍ଦ୍ର ପୃଥିବୀର ଏକ ଉପଗ୍ରହ
ପରିକ୍ରମଣ ଅବିରତ
ସୂରୁଯ କିରଣ ଚନ୍ଦ୍ର ପୃଷ୍ଠେ ପଡ଼ି
ପୃଥିବୀକୁ ପ୍ରତିଫଳିତ ।
ସେଥିପାଇଁ ଆମେ ଚନ୍ଦ୍ରଟିକୁ ଦେଖୁ
ଶୀତଳ ସ୍ପର୍ଶ ଅନୁଭବ
ଘୂର୍ଣ୍ଣନ କ୍ରିୟାରୁ ଚନ୍ଦର ଗ୍ରହଣ
ଦୃଶ୍ୟମାନ ହୁଏ ଏ ଭବ ।
ଏକ ସମତଳ ସରଳରେଖାରେ
ଯେଣୁ ସୂର୍ଯ୍ୟ ଚନ୍ଦ୍ର ମଝିରେ
ପୃଥିବୀଟି ରହି କିରଣ ରୋଧଇ
ଚନ୍ଦ୍ର ରହେ ଅନ୍ଧକାରରେ ।
ଏଥିପାଇଁ ଛାୟା ଉପଛାୟା ସୃଷ୍ଟି
ସଂପୂର୍ଣ୍ଣ ଆଂଶିକ ଗ୍ରହଣ
କିଛି କାଳ ଯେଉଁ ଅଂଶ ପୃଥିବୀର
ଚନ୍ଦ୍ର ନକରନ୍ତି ଦର୍ଶନ ।
ଚନ୍ଦର ଗ୍ରହଣ ବୋଲି ପାଳିଥାନ୍ତି
ଯେତେ ଜନେ ସେହି ଅଂଶରେ
ନୀତିନିୟମରେ ଖାପଖୁଆଇ
ଚଳନ୍ତି ଜ୍ୟୋତିଷ ବିଚାରେ ।