ଯାଇଛି ହଜି

ପାରୁନି ଖୋଜି ଯାଇଛି ହଜି

   ପରିବାର ମଧ୍ୟେ ଭାବଡୋରୀ

ବ୍ୟସ୍ତତା ମଧ୍ୟରେ ସମସ୍ତେ ବ୍ୟସ୍ତ

  ସମୟର ଅଭାବ ଭାରି l

ନିଃସଙ୍ଗତା ଏଠି ବାନ୍ଧବୀ ସାଜିଛି

  କୋଳାହଳ ନାହିଁ ଘରେ

ମୁଁ ଆଉ ମୋର ଗ୍ରାସିଲାଣି

  ସ୍ୱାର୍ଥର ରାଜୁତି ସବୁଠାରେ l

ଅଗଣା ରେ ବସି ଜେଜେ

  ନିରତେ ଢାଳନ୍ତି ଲୁହ

ନାହିଁକେ ପାଖରେ ପଚାରି ବୁଝିବ

   କିମ୍ପାଇ ଉଠଇ କୋହ l

ସରଳ ନିଷ୍ପାପ ବାଳୁତ ଜୀବନ

   ବନ୍ଧା ପଡିଛି ମୋବାଇଲରେ

ନାହିଁ ବୋହୂଚୋରି ଗାଁଦାଣ୍ଡ ଖେଳ

  ମଜା ମଜଲିସ ପରବରେ l

ସେଲ୍ଫି ଉଠେଇ ଛାଡିଦେଲେ ଥରେ

  କାମଟା ଆମର ସରେ

ପାସେଥାଏ ଯିଏ ତାକଥା ନଜାଣ

    ରହିଥାଇ ମିଶି ଘରେ l

କେତେ ଦୂରେ ଥିବା ବନ୍ଧୁକୁ

  କୁହନ୍ତି ତୁମକୁ ଝୁରେ

ମୋବାଇଲରେ ତୁମ ଫୋଟ ଦେଖୁଦେଖୁଁ

   ଲାଇକ କମେଣ୍ଟ କରେ l

ବଇକୁଣ୍ଠ ସମ ପରିବାର ଏଠି

  ସମୟକି ନେଲା ଚୋରାଇ

ପରସ୍ପର ସ୍ନେହ ଶ୍ରଦ୍ଧା ଯେଉଁଠି

  ନିରନ୍ତର ବାସ କରଇ l