ପରିବାର

ଆପଣାର ଭାବ ସେଇଠି ରହିଛି

ଯେଉଁଠାରେ ପରିବାର

ସଫଳ ଜୀବନ ସୂତ୍ର ବି ସେଇଠି

ସ୍ନେହ ଶାନ୍ତି ମମତାର ।

ମାର ମମତା ସ୍ନେହ ଡୋରେ ବନ୍ଧା

ପିଲା ମାନଙ୍କର ଘର

ପିତାଙ୍କର ଗାଳି ଜୀବନକୁ ଗଢେ

ଜୀବନେ ଉନ୍ନତି ଦ୍ବାର ।

ଦାଦା ଦାଦୀଙ୍କର ଉପଦେଶ ମାନ

ଜୀବନରେ ଅଟେ ସାର

ଭାଇ ଭଉଣୀଙ୍କ ମମତା ବନ୍ଧନ

ଦୁଃଖକୁ କରଇ ଦୁର ।

ଗୃହଲକ୍ଷ୍ମୀ ପରା ଅଟନ୍ତି ମୋ ପତ୍ନୀ

ସଭିଙ୍କୁ କରି ନିଜର

ସେବା ଯତ୍ନ ନୀତିଶିକ୍ଷା କରି କନ୍ୟା

ଗଢଇ ସୁନା ସଂସାର ।

ସ୍ବର୍ଗରେ ଦେବତା ଝୁରୁଥାନ୍ତି ନୀତି

ଦେଖି ସୁଖର ସଂସାର

ପରିବାର ଯଦି ଭିନ୍ନ ହୋଇଯାଏ

ଭରିଯାଏ ହାହାକାର ।

ସାରା ପରିବାର ମିଳିମିଶି ଥିଲେ

ସ୍ବପ୍ନ ହୁଅଇ ସାକାର

ସୁଖ,ଶାନ୍ତି ନୀତି ବିରାଜେ ସେଇଠି

ଧନ୍ୟ ସେହି ପରିବାର ।