ଜହ୍ନର ଠିକଣା କିଏ ବା ଜାଣେ
ଜହ୍ନର ଠିକଣା କିଏ ବା ଜାଣେ
ପ୍ରକୃତିର ସୃଷ୍ଟି ଏମିତି ବିଚିତ୍ର,
ସ୍ରଷ୍ଟା ଯିଏ ସିଏ ମହାନ୍ ସତେ ।
ଏମିତି ବିନ୍ଧାଣୀ ଗଢିଛି ଦୁନିଆ,
କମିବ ପ୍ରଶଂସା କରିଲେ ଯେତେ ।।
ସୂର୍ଯ୍ୟ ଚନ୍ଦ୍ର ତାରା ହୋନ୍ତି ଆତଯାତ,
କିଏ ବିତରଣ କରେ ଉଷ୍ଣତା ।
ଆଉ କିଏ ପୁଣି ଏ ଜୀବଜଗତେ,
ବିଛୁରିତ କରଇ ଶିତଳତା ।।
ନଦୀ ନାଳ ଆଉ ସମୁଦ୍ରରେ ଭରା,
ଆମ ଏ ପୃଥିବୀ ମା'ର ଶିରି ।
କେଉଁଠି ରହିଛି ମରୁଭୂମି ପୁଣି,
କେଉଁଠି ଜଙ୍ଗଲ ଯାଇଛି ଭରି ।।
ପ୍ରକୃତିର ସବୁ ଏତେ ଦାନ ଥାଇ,
ଆମେ ହେଳା କରୁ ସେ ପ୍ରକୃତିକୁ ।
ଏ ମାନଙ୍କ ସବୁ ଆରମ୍ଭ କେଉଁଠି,
ଶେଷଟା ବି ଜଣା ନାହିଁ କାହାକୁ ।।
ଜହ୍ନ ଉଇଁଥାଏ ସୂଦୂର ଆକାଶେ,
ଶିତଳ ଜୋଛନା ଧରାରେ ବୁଣେ ।
କିଏ ବା ଛୁଇଁଛି ସେ ଜହ୍ନ ମାମୁଁକୁ,
ଜହ୍ନର ଠିକଣା କିଏ ବା ଜାଣେ ?